معارف وزیرلیگی، غزنی ده ۴۲۶ دینی مدرسه گه ۵۰ میلیون افغانی توزیع قیلیش جریانینی «نقدی یاردم» باشله‌گن.
غزنی معارف ریاستی نینگ تدریسی اورین باسری میرنصیراحمد حسینی نینگ سلام‌وطندار گه ایتیشیچه، اوشبو پول اسلام امیرلیگی رهبری نینگ فرمانی اساسیده، غزنی ده‌گی دینی مدرسه‌لر گه اختصاص بیریلگن و قریب ۸۵ فایزی توزیع بولگن.
غزنی یشاوچلریدن بیرقطاری، مدرسه‌لر گه یاردم بیریلیشینی خوش قرشی‌لشگه قوشیمچه، اسلام امیرلیگی دن مکتب‌لر وضعیتی گه دقت قیلیشینی طلب قیله‌دیلر. اولر نینگ ایتیشلریچه، غزنی ولایتی نینگ قطار تومن‌لریده مکتب، سبق اوقیش صنف‌لری، اوقیتووچیلر، درسی امکانیت و حتا اولتیریش اوچون موکت‌لری یوق دیر.
غزنی یشاوچیلریدن علی صمدی گه کوره: «بیز غزنی یشاوچیلری معارف وزیرلیگی نینگ اوشبو ولایتده‌گی دینی مدرسه‌لر گه یاردم بیریشینی خوش قرشی لشگه قوشیمچه، غزنی ولایتی بویلب مکتب‌لر گه هم دقت قیلیشینی طلب قیله‌میز.»
بیزلرنینگ فیسبوک صحیفه‌میزگه باش اورینگ!
غزنی یشاوچیلریدن باشقه بیری احمد فرید نینگ ایتیشیچه: «غزنی ولایتی دینی مدرسه‌لری گه اختصاص بیریلگن پول کوپ دیر. مدرسه‌لر گه دقت قیلینیشی یانیده، دولت مکتب‌لر گه دقت قیلیب و مکتب‌لرنی قوللب_قوتلشی کیره‌ک.»
غزنی ولایتی جغتوی تومنیده مکتب اوقیتووچیلریدن بیری سیدرحمت گه کوره، مکتب‌لری نینگ کمچیلیکلرینی دایم غزنی معارف ریاستی بیلن شریک قیلیشگن، بیراق حاضرگچه دقت قیلینمه‌گن.
اونگه کوره: «نیچه مراتبه قرطاسیه، درسی امکانیت و اوقیتووچی یوق‌لیگی باره‌سیده درخواست اوزه‌تدیک. اولر بودجه‌میز یوق حاضر یاردم بیره آلمسلیکلرینی ایتدیلر، بیراق حاضر غزنیده‌گی دینی مدرسه‌لر گه کوپ مقدار پول توزیع بولماقده‌لیگیدن خبر بولدیک.»
اوشبو ییل غزنی معارفی ۲۹۱ میلیون افغانی بودجه تنقیص‌لیگی بیلن روپه‌ره بولگن بیر حالده، مذکور ولایتده‌گی دینی مدرسه‌لر گه ۵۰ میلیون افغانی اختصاص بیریلگن.
بیزلرنینگ توییترده هم تعقیب قیلینگ!
شونینگدیک ایش بیلرمان‌لردن بیرقطاری، غزنی مکتب‌لری و مدرسه‌لری باره‌سیده تورلی فکر بیلدیریب ایتیشلریچه، دینی مدرسه‌لر کوپراق مردمی یاردم‌لر بیلن تأمینلنه‌دی و کوپ یاردم کیره‌ک ایمس.
تعلیم بوییچه ایش بیلرمان عنایت اندیشمند نینگ ایتیشیچه: «دینی مدرسه‌لر کوپراق عشر، مردمی و ملی سوداگرلر نینگ یاردمی بیلن تأمینلنه‌دی، بیراق مکتب‌لر دولت نینگ بودجه‌سیدن تأمینلنه‌دی. غزنی ولایتی بویلب مکتب‌لر سانی کوپ دیر، بعضی جای‌لرده مکتب‌لر نینگ موکتی یوق، کوپ سانده مکتب‌لر نینگ حتا دستلبکی امکانیت‌لری یوق دیر.»
ایتیش کیره‌ک که، غزنی ده حاضر ۵۰۰ دینی مدرسه فعالیت قیلماقده مذکور دینی مدرسه‌لردن کوپی، اوز مصرف‌لری و اداری خرجت‌لرینی، مردمی و سوداگرلر نینگ یاردم‌لری بیلن تأمینله‌یدیلر.
