طبیعی آفت‌لرنی باشقریش ایشلری بوییچه دولت وزیرلیگی مسئوللری، بوگون (سه‌شنبه، ۱-جوزا)، کابل ده یولگه قوییلگن خبری بیر ییغین ده ایتیشلریچه، اوتگن ۱۱ کون جریانیده مملکت‌ده یوز بیرگن سوو تاشقینلر نتیجه‌سیده، ۲۹۴ کیشی اولیب و ۲۶۶ کیشی یره‌لنگن.
اوشبو وزیرلیک سوزلاوچیسی محمد عبدالله‌‌جان سایق نینگ ایتیشیچه، سوو تاشقینی یوز بیرگنی کوپراق بغلان، غور، تخار، فاریاب، بدخشان، سمنگان، بادغیس، بامیان و کاپیسا ولایت‌لری اهالی‌سی گه جانی و مالی زیان ییتیشتیرگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، مذکور سوو تاشقینلر نتیجه‌سیده مینگ‌لب یشش اوی بوتونلی و قسمی شکلده ویران بولیب و ۶ مینگ‌دن آرتیق چاروه تلف بولگن. «مملکت‌ده یوز بیرگن سونگی سوو تاشقین‌لرده ۲۹۴ کیشی اولیب و ۲۶۶ کیشی یره‌لنگن؛ اونگه علاوه ۱۴ مینگ ۹۲۳ یشش اوی بوتونلی و قسمی شکلده ویران و آلتی‌مینگ ۶۵۵ باش چاروه تلف بولگن.»
طبیعی آفت‌لرنی باشقریش ایشلری بوییچه دولت وزیرلیگی سوزلاوچیسی، کوچلی سوو تاشقینلر یوز بیرگنی نی مملکت‌ده هوا اوزگریشلری اصلی عامل‌لری بیلیب و دنیا جماعه‌سیدن بو بولیم‌ده افغانستان دن حمایت قیلیب و سونگی سوو تاشقین‌لردن زیان کورگنلر گه یاردم بیریلیشی نی ایسته‌گن.
شونینگدیک اوشبو وزیرلیک سوزلاوچیسی گه کوره، بیر قطار ولایت‌لرده سونگی سوو تاشقین‌لردن زیان کورگنلرگه ۲۰ میلیون افغانی ترقه‌تیلگن.
شونده‌ی بیرحالده، بیرلشگن ملتلر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری (اوچا)، بیر بیانیه آرقه‌لی مملکت‌ده‌گی سونگی ویران قیلووچی سوو تاشقینلر گه اشاره قیلیب، هوا اوزگریشلری بیلن قرشی کوره‌ش مقصد افغانستان دن دنیا جماعه‌سی نینگ عاجل حمایتی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
اوچا بیانیه‌سی نینگ بیر بولیمی‌ده کیلیشیچه: «دنیا جماعه‌سیدن افغانستان گه یاردم بیریشی نی ایسته‌یمیز که اوشبو مملکت اوزینی هوا اوزگریشلری برابریده تیار قیلسه و اوتگن هفته افغانستان ده یوز بیرگن سوو تاشقینلر بو مملکت نینگ هوا اوزگریشلری و باله‌لر نینگ تاثیرلنیشی نی کوپه‌یتیرگن.»
فغانستان هوا اوزگریشلریدن تاثیرلنگن آلتینچی مملکت دیر. اطراف-محیط نی سقلش ملی اداره‌سی بوندن آلدین، هوا اوزگریشلری نینگ سلبی تاثیرلری کمه‌یشی اوچون ۲۲ میلیارد دالر گه نیاز بارلیگی نی اعلام قیلگن.