ناگران کیشیلردن اونلرچه‌سی نماینده‌لر کینگشی نینگ بناسی برابریده نیچه آی تحصن خیمه قورگندن کیین، ناراضلیک نمایش یولگه قوییش گه زورلنگن. اعتراضچی‌لرنینگ ایتیش‌لریچه، ناگرانلرنینگ حقلری و امتیازلری نی قانونی اساسیده، اداره ایشلاوچی‌لریدن اوچ فایزی ناگران کیشیلر بولیشی کیره‌ک. بیراق بو ماده عملی بولمه‌گن. اولرگه کوره، باشقه قیینچیلیک‌لرگه علاوه، ناگران‌لردن ۵۰ فایزی اوچ ییل دن بویان حقلری و آیلیک‌لرینی قولگه کیلتیرمه‌گن.
ناگرانلر کینگشی اورین‌باسری بشیر دیره و افغانستان ناگرانلری نهادلری نینگ انسجام و اویغونلیک باشلیغی ملک محمد ملکزاده نینگ ایتیشیچه، ۴ آیدن بویان ایسته‌کلریگه ایریشیش اوچون نماینده‌لر کینگشی نینگ بناسی برابریده تخصن خیمه قورگنلر، بیراق حکومت اولرگه هیچ قنده‌ی توجه قیلمه‌گن.
بیراق ناگرانلر و شهیدلر وزیرلیگی سوزلاوچیسی ضیاالحق فضلی نینگ ایتیشیچه، حاضرگچه دولتی اداره‌لرنینگ همکارلیگی بیلن ۹ مینگ ناگران نی ایش گه آلیش گه موفق بولگنلر. اونگه کوره، حجت‌لری تعیین بولگن کمیسیون آرقه‌لی تصدیق‌لنگن ناگرانلرنینگ آیلیک‌لری نی توله‌ش ۱۵- حمل دن بویان باشلنگن، بیراق حجت‌لری رد بولگن کیشیلر اوچون هیچ بیر ایش قیله آلمه‌یدیلر.
عین حالده، اعتراضچی‌لرنینگ آگاه‌لنتیریش‌لریچه، حکومت اولرنینگ اعتراض‌لریگه توجه قیلمه‌گن صورتده، تابعیت نی ترک قیلیش گه علاوه، بیرلشگن ملتلر تشکیلاتی نینگ ایشیگی نی باغلب و غذایی اعتصاب قیلیشه‌دیلر.
