غور ولایتیده کیچیکلیکدن تورموش گه چیقریش گه قرشی کوره‌ش تشکیلات، اوشبو ولایتده ایش شرایطینی یره‌تیش، قشاق‌لیکنی کمه‌یتیریش و قیزلرنی کیچیکلیکدن تورموش گه چیقریشنی آلدینی آلیش مقصدیده، ۱۰۰ دن آرتیق قشاق عایله گه ایش زمینه‌سینی یرهتگن.
کیچیکلیکدن تورموش گه چیقریش گه قرشی کوره‌ش تشکیلات نینگ ولایتی مسئولی محمدولی آخندزاده نینگ ایتیشیچه، اولر بوگون اوشبو عایله‌لر گه سیار قول ساتووچی غرفه و عیاللر گه خیاط‌لیک و قالین تیکیش زمینه‌سینی یره‌تگنلر.
بیزلرنینگ فیسبوک صحیفه‌میزگه باش اورینگ!
جناب آخندزاده گه کوره، اولر غرفه‌لرنی توزیع قیلیش گه علاوه، مذکور عایله‌لر نینگ اقتصادی یخشی‌لنیشی و کیچیک قیزلرینی ساتمسلیک اوچون اولر گه کچالو، پیاز، سیر، آب میوه‌لر، کیک و باشقه ماده‌لرنی تیارله‌گنلر.
باشقه تاماندن ایش بیلن تأمینلنگن عایله‌لردن قطاری نینگ ایتیشلریچه، اولر ایش‌سیزلیک، قشاق‌لیک و قورغاقچیلیک باعث قیین احوال ده تیریکچیلیک قیلماقده‌لر.
ایش بیلن تأمینلنگن محمد عارف و مبارک نینگ ایتیشلریچه، اولر قوللریده‌گی ماده‌لرنی ساتیش آرقه‌لی عایله‌لری نینگ اقتصادی کوچه‌یشی اوچون یاردم بیره آله‌دیلر.
عین‌حالده، غرفه‌لرنی مذکور عایله‌لر گه توزیع قیلیش مراسمیده اشتراک ایتگن غور محلی مسئوللری نینگ ایتیشلریچه، اوشبو ولایت نینگ ۷۰ دن ۸۰ فایز اهالیسی ایش‌سیز دیر و اولر غیر دولتی تشکیلات‌لر نینگ یاردمی بیلن اولر گه ایش فرصت‌لرینی یره‌تیش مقصدیده سعی و حرکت قیلماقده‌لر.
بیزلرنینگ توییترده هم تعقیب قیلینگ!
غور ایش و اجتماعی ایشلر ریاستی نینگ سرپرستی غوث‌الدین سهیل گه کوره، اولر اهالی گه ایش شرایطی یره‌تیلیش برنامه‌لرنی قوللب_قوتله‌یدیلر و خیریه تشکیلات‌لر نینگ مسئوللریدن، یاش‌لر و مردم گه ایش زمینه‌سی یره‌تیلیشی اوچون عملی برنامه‌لرنی یولگه قوییش‌لرینی طلب قیله‌دی.
غور ده قشاق و محتاج عایله‌لر گه ایش شرایطی عین‌حالده یره‌تیلماقده که، اوشبو ولایت نینگ یاش‌لری بیکارچیلیک، محتاج‌لیک و قورغاقچیلیک باعث مملکت نی ترک ایتگن یا هم قیین احوال ده تیریکچیلیک قیلماقده‌لر.
