قالین ایشلب چیقرووچی کارخانه‌لردن قطاری نینگ مسئوللری گه کوره، اوتگن ایکی ییل‌ده عیاللردن قطاری نینگ قالین توقیش گه یوز کیلتیرگنی و بو جنس نینگ ایشلب چیقریلیشی کوپه‌یگنی بیرحالده؛ بیراق مملکت ایچیده بازار یوقلیگی و صادرات زمینه‌سی یره‌تیلمه‌گنی سبب، اولر نینگ ایشی کسادلیککه یوز توتگن.
قالین ایشلب چیقرووچی کارخانه‌لردن بیری نینگ ایگه‌سی قاسم الیاسی، آیده ۵۰۰ ایشلاوچیسی آرقه‌لی ۴۰۰ مترمربع قالین ایشلب چیقریلیشی نی بیان قیلیب و ایتیشیچه، بازارده ایسته‌ک یوقلیگی و صادرات زمینه‌سی یره‌تیلمه‌گنی سبب، ساتیشی آز دیر. «کارخانه‌میزده توقیلیش کوپ؛ چونکه کوپینچه عیال بیزلر بیلن ایشله‌یدی و کوپراق تولید بوله‌دی؛ لیکن بازار ده ساتیش یوق؛ چونکه هیچ کیم آلمه‌یدی؛ قیین‌چیلیک کوپ، قالین یوویش کارخانه‌لریمیز یوق؛ پاکستان ده قالین یوویله‌دی و باشقه مملکتلر گه صادر بوله‌دی.»
بیزلرنینگ فیسبوک صحیفه‌میزگه باش اورینگ!
الیاسی نینگ کوپه‌یتیریشیچه، قالین صادراتی برابریده بانکی چیکلاولر یره‌تیلگنی و پاکستان گه ناقانونی شکلده صادر بولیشی، اولر نینگ ایشی برابریده‌گی قیین‌چیلیکلردن باشقه بیری دیر.
کابل شهریده قالین ایشلب چیقرووچی کارخانه‌لردن باشقه بیری نینگ ایگه‌سی محمدنعیم گه کوره، ساتیلیش بازاری یوقلیگی و بانکی چیکلاولر یره‌تیلگنی طفیلی ایشلب چیقرگنلری قالین نینگ آز قیمت بیلن نارسمی شکلده قوشنی مملکتلر گه یوباریش‌گه مجبورلر. اونینگ ایتیشیچه: «بازار یوق و قالینیمیز نارسمی شکلده پاکستان گه یوباریله‌دی؛ او ییردن دنیا بازارلری گه کیته‌دی؛ بو ایش کوپینچه مدت و خره‌جت کوتاره‌دی؛ قویاری قیمت بیلن، قریب اوچ آی وقت آله‌دی؛ آز قیمت گه ساتیله‌دی.»
مذکور کارخانه ایگه‌سی نینگ کوپه‌یتیریشیچه، کارخانه‌سیده اونلب عیال ایش بیلن شغللنگن؛ بیراق قالین ساتیلیشی نینگ اونچه‌لیک بازاری بولمه‌گنی سبب، بو یول آرقه‌لی آز درآمد قولگه کیلتیره‌دی.
شونینگدیک ینگی‌لیکده باشقه ۱۳ عیال یاردمی بیلن قالین توقووچیلیک ایشخانه‌سینی آچگن نوریه نینگ ایتیشیچه، قالین صادراتی اوچون زمینه یره‌تیلمه‌گی، صناعت‌ده ایشلش نی قیین قیلگن. «چوب‌رنگ و قزاق، بلژیکی و ابریشمی قالین‌لر نی ایشلب چیقره‌میز؛ آیده ۱۰ متره قالین نی یکونلنتیره‌میز. بو بولیم‌ده ییترلی اوسکونه‌لریمیز یوق؛ صادرات بولیمیده هم بیزلرگه فرصت یره‌تیلمه‌گن.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، صناعت و سوداگرلیک وزیرلیگی سوزلاوچیسی آخوندزاده عبدالسلام جواد نینگ ایتیشیچه، مذکور وزیرلیک صناعتچیلر قیین‌چیلیگی حلی اوچون سعی‌وحرکت قیلماقده. اونینگ کوپه‌یتیریشیچه: «قالین صادراتی‌ده هیچ قنده‌ی قیین‌چیلیگیمیز یوق. برچه منطقه و قوشنی مملکتلر گه ییر و هوایی دهلیزلر آرقه‌لی صادرات نینگ دوامی بار؛ پول انتقال بیریلیشی بولیمیده هم قیین‌چیلیکلر بیراز کوپراق حل بولگن.»
افغانستان ده قالین توقیش صناعتی انچه‌دن بویان یخشی بازار گه ایگه و حاضر هم قشاق‌لیک و عیاللر نینگ تعلیم و ایشی‌گه یره‌تیلگن چیکلاولر سبب، اولردن کوپ قطاری قالین ایشلب چیقریش و توقیش گه یوز کیلتیرگنلر.
بوندن آلدین امریکا نینگ خلق‌ارا رواجلنتیریش اداره‌سی (USAID)، ییل‌ده افغانستان ده ایکی میلیون ۱۰۰ مینگ مترمربع قالین ایشلب چیقریله‌دی دیب اعلام قیلگن ایدی.
