بوگون (پنج‌شنبه ۲- ثور) مملکت جمهوررئیسی محمداشرف غنی، قندهار ده بیر ییغین آرقه‌لی نطق سوزلب پاکستان نی خطاب قرار بیریب ایتیشیچه، بو مملکت تینچلیک تأمین‌لنیشی اوچون افغانستان یشاوچی‌لریگه همکارلیک قیلمه‌گن صورتده، دنیا بوییچه منزوی بولیشی ممکن.
جمهوررئیس گه کوره، چیت‌ایللیک کوچلرنینگ افغانستان دن چیقیشی بیلن پاکستان نینگ هم نقشی کمه‌یشی ممکن. محمداشرف غنی نینگ اورغولشیچه، جمهوریت تیزیمی نی سقلش اونملی دیر و جمهوریت تیزیمی یریم قالیشی اوچون هیچ کیم گه رخصت بیرمه‌یدی.
جناب غنی چیت‌ایللیک کوچلرنینگ افغانستان دن چیقیشی توغریسیده ایتیشیچه، حاضر اولر کیته‌دی و افغانستان دولتی اولرنینگ کیتیشی نی خوش قرشیله‌یدی. جمهوررئیس غنی نینگ کوپه‌یتیریشیچه، مملکت امنیتی و مدافعه کوچلری حاضرگچه اولکه‌لریدن مدافعه قیلگن و چیت‌ایللیک کوچلر چیققنیدن کیین هم مدافعه قیلیش‌لری ممکن.
محمداشرف غنی چیت‌ایللیک کوچلر افغانستان دن چیقیشی گه اشاره قیلیب و شونینگدیک طالبان گه خطاب ایتیشیچه، اوروش نی دوام بیریش اوچون باشقه دلیل‌لری یوق. او طالبان دن افغانستان نی آبادان‌چیلیگی اوچون سهم آلیش‌لری نی سوره‌گن. شونینگدیک او ینه بیر مرته طالبان دن، افغانستان مذاکره قیلووچی هیأتی بیلن مذاکره میزی گه حاضر بولیشی نی سوره‌گن.
عین حالده، جمهورلیک ریاست بیرینچی اورین باسری امرالله صالح، مملکتده‌گی جاری اوروش نی بیگانه دیب و ایتیشیچه، پاکستان هر ییل ۱۰ الی ۲۰ مینگ تُن ماین توزه‌تیله‌دیگن مواد نی طالبان گه بیره‌دی. اونگه کوره، افغانستان یشاوچی‌لری بیر بولیب و دشمن‌لیک قرشی توخته‌شلری کیره‌ک.
شونده‌ی بیرحالده، قندهار ده جمهوررئیس ییغینی یقیین‌لیگیده بیر پارتلش یوز بیردی. قندهار پولیس قومندانلیگی سوزلاوچیسی جمال‌ناصر بارکزی نینگ سلام‌وطندارگه ایتیشیچه، جمهوررئیس ییغینی یقیین‌لیگده بیر گاز بالونی پارتله‌گن کیم اونینگ تلفاتی یوق ایکن.
بیراق باشقه بیر امنیتی منبع نینگ سلام‌وطندارگه ایتیشیچه، ماین انتقال بیره‌دیگن بیر باله، انتقال بیریش پیتده، ماین پارتله‌گن و ایکی اَیاغینی ایسه قولدن بیرگن. مذکور پارتلش مسئولیتی نی حاضرگچه بیرار گروه یا-ده شخص بوینیگه آلمه‌گن.
جمهور رییس محمد اشرف غنی، یوقاری مرتبه‌لی بیر هیأت باشچیلیگی‌ده قندهار ولایتی‌گه سفر قیلیب مهمند، ایکی یوز اۉرین‌لیک خلق‌ارا کسلخانه نی رسماً آچدی. جمهور رییس غنی مذکور کسلخانه نی آچیش مراسمی ده ایتیشیچه، مهمند کسلخانه‌سی قوریلیشی، کمال خان توغانی کبی افغانستان‌لیکلر اوچون بیر فخر حسابلنه دی.
جمهوررئیس نینگ سفریدن مقصد مذکور ولایت عمومی وضعیتی نی تیکشیریش دییلگن.