جمهوررئیس محمداشرف غنی نینگ ایتیشیچه، چیت‌ایللیک کوچلر افغانستان دن چیققنیدن کیین، حکومت طالبان نینگ زوروانلیگی گه قرشی کوره‌ش گه تیار دیر. جمهوررئیس آمریکالیک تلویزیون «پی‌بی‌اس» بیلن اوتکزگن خاص سوزلشووده بونده‌ی دیگن.
محمداشرف غنی نینگ اورغولشیچه، افغانستان ده حاضر هم ترورچیلیک نینگ تهدیدی بار؛ بیراق حکومت چیت‌ایللیک کوچلرنینگ چیققنیدن کیین طالبان زوروانلیگی گه قرشی کوره‌ش گه تیار دیر. او، مذکور تلویزیونی سوزلشووده کوپه‌یتیریشیچه، طالبان افغانستان اهالیسی نینگ ارزش‌لری و یوتوق‌لریگه حرمت بیریشی کیره‌ک.
بیزلرنینگ فیسبوک صحیفه‌میزگه هم باش اورینگ!
بوندن آلدین طالبان، جمهوررئیس غنی وظیفه دن اوزاقلشگونگه قدر تینچلیک سوزلشوولری نتیجه بیرمه‌یشینی بیلدیرگن ایدی. محمداشرف غنی نینگ ایتیشیچه، طالبان بونده‌ی ایسته‌کلر بیلن وقت نی ضایع قیلیش گه حرکت قیله‌دی؛ چونکه ییچیم یول اوستیگه توجه قیلیش اورنیده، بیر کیشی نینگ اوستیگه توجه قیلگن.
جمهوررئیس نینگ ایتیشیچه، «سرقوماندان اعلی» صفتیده اهالی و امنیتی کوچلرنینگ هیچ قچان قوییب یوبارمه‌یش گه مجبور دیر. جناب غنی طالبان زوروانلیگی گه قرشی کوره‌ش گه تیارگرلیک بیلدیرگن بیرحالده، میلادی جاری آی باشلنگنیدن بویان مملکت ۱۸ ولایتیده طالبان زوروانلیک‌لری کوپه‌یگن.
