کابل شهری‌ده دولتی کسلخانهلردن قطاری‌ده‌گی کسل‌دارلر، دارو کملیگی اینیقسه تخصصی دارو‌لر کملیگیدن شکایت قیلیب ایتیشلریچه، نیازلری بولگن دارو‌لر نی یوقاری قیمت بیلن کسلخانهلردن تشقی‌ده‌گی خصوصی دارو‌خانه‌لردن ساتیب آلیش گه مجبورلر.
کسل‌دارلر نینگ کوپه‌یتیریشلریچه، کوپینچه پیت خصوصی دارو‌خانه‌لردن دارو ساتیب آلیش گه کوچلری ییتیشمه‌یدی و شونینگدیک نیازلری بولگن دارو‌لر نینگ تأمین‌لش هم اونچه‌لیک قوله‌ی ایمس.
بیزلرنینگ فیسبوک صحیفه‌میزگه باش اورینگ!
کابل شهری‌ده دولتی کسل‌خانه‌لرده‌گی کسل‌لر، کسلخانهلر ایچیده کسل‌لر نینگ نیازی بوله‌دیگن برچه دارو‌لر نینگ تأمین‌لنیشی نی ایسته‌گنلر.
دولتی کسل‌خانه‌لرده‌گی کسل‌لردن بیری حمیرا نینگ ایتیشیچه: «دولتی کسلخانهلر نینگ او پی دی بولیمی گه مراجعت قیلگنی‌میز پیتده، دارو‌لردن کوپینچه‌سی یوق و یالغیز اوشه دستلبکی دارو‌لر بار؛ قیمتی یوقاری بولگن و خاص کسل‌لیک‌لر اوچون بولگن دارو‌لر نی تشقری‌ده آلهمیز. اقتصاد وضعیت یخشی ایمس. دولتی کسل‌خانه‌لرده قیمتی یوقاری بولگن دارو‌لر نینگ موجود بولیشی کیره‌ک که نیاز بولگنی پیتده، کسل‌لر اختیاری گه قرار تاپسه.»
شونینگدیک کسل‌لردن باشقه بیری شیرعلی نینگ ایتیشیچه: «بو ییرده هیچ دارو یوق، بیخی کم. قلبی، فشار و شکر کسل‌لری گه یوق. هر کون دارو یازه‌دیلر و بیزلر باریب تشقری‌دن ساتیب آلهمیز. بیرمینگ ۲۰۰دن ۲ مینگ گه قدر بولده‌دی پولی که اونینگ هر کون تامین قیله‌میز.»
شونده‌ی بیرحالده، وزیر محمداکبرخان کسل‌خانه‌سیده‌گی کسل‌دارلردن بیری فرهاد، اوشبو کسل‌خانه‌ده دارو یوق‌لیگی‌دن شکایت قیلیب ایتیشیچه، اقتصادی قیین‌چیلیک سبب، تشقی‌دن دارو ساتیب آلیش گه کوچی ییتیشمه‌یدی و کسل‌لر گه نیاز بولگن دارو نینگ کسل‌خانه‌ده فراهم بولیشی کیره‌ک.
اونینگ کوپه‌یتیریشیچه: «کسلی‌میز نینگ بویره‌ک، معده و کیسه صفرا‌سی آغریدی؛ دارو‌لریدن برچه‌سی نی تشقری‌دن ساتیب آلهمیز. ساتیب آلهمیز چونکه بو ییرده دارو یوق. اقتصادی وضعیتی‌میز یخشی ایمس. پولی‌میز هم یوق. بو ییرده دارو بولگنی‌ده خره‌جتی‌میز کمه‌یه‌دی و خوش بوله‌میز.»
عین حالده، دولتی کسل‌خانه‌لرده‌گی شفاکارلر دولتی کسل‌خانه‌لرده تخصصی دارو‌لر کملیگی یا-ده یوقلیگی نی تصدیق‌لب ایتیشلریچه، یاردم بیرووچی تشکیلات‌لر و ساغلیق‌نی سقلش وزیرلیگی دستلبکی دارو‌لر تامین‌لنیشی‌ده کوپراق توجه قیلیب و کم‌راق تخصصی دارو‌لر نی دولتی کسلخانهلر اختیاری گه قرار بیره‌دیلر.
بیزلرنینگ «ایکس» ترماغی ده هم تعقیب قیلینگ!
بو توغریده وزیر محمداکبرخان کسل‌خانه‌سیده‌گی متخصص شفاکارلردن سیدفرید نینگ سلام‌وطندار گه ایتیشیچه: «دستلبکی ساغلیق خذمت‌لر تامین دیر و برچه نینگ نیازی بولمه‌گن، هر کیم گه تطبیق بولمه‌گن و خاص کسل‌لر اوچون بولگن تخصصی دارو‌لر قیمتی ایسه یوقاری دیر؛ بو ییرده هم یوق. یاردم بیرووچی تشکیلات‌لردن قطاری هم اونچه‌لیک یاردم بیرمه‌‌یدی. بو توغریده دولت نینگ هم کوچی ییتیشمه‌یدی.
ساغلیق‌نی سقلش وزیرلیگی دولتی کسل‌خانه‌لرده دارو کملیگی قیین‌چیلیگی حلی اوچون بو وزیرلیک نینگ جاری ییل‌ده‌گی برنامه‌لری خصوصیده هیچ بیر نرسه دیمه‌‌گن؛ بیراق خلق‌ارا ساغلیق‌نی سقلش تشکیلاتی اوتگن کون، ۲۰۲۳-ییل سپتمبر آیی‌دن حاضرگچه، افغانستان ده ۲۵ کسل‌خانه گه ۴.۴ میلیون‌دن آرتیق طبی کیت‌لر و دارو یاردم بیرگنی نی اعلام قیلگن ایدی.
