اسلامی امارت مهاجرلر وزیرلیگی نینگ مسئول‌لری، چیت ایل مملکت‌لری تامانیدن افغانستان فقرالری چیقریلیش جریانیدن تنقید قیلیب ایتیشلریچه، اوشبو اولکه‌لر چیقیش اوچون افغانستان یشاوچیلرینی ترغیب قیلیب، افغانستان نینگ ایچکی ایشلری گه اره لشه‌دی.
اوشبو وزیرلیک معینی محمد ارسلاح خروتی، کابل‌ده مطبوعاتی ییغینده ایتیشیچه، قطار مملکت‌لر افغانستان یشاوچیلری نینگ پناهنده‌لیگینی قبول قیلیش و اولرنی چیقریش گه ترغیب قیلیش بیلن خلق‌ارا قانون-قاعده لری گه قرشی عمل قیله‌دی.
بیزلرنینگ فیسبوک صحیفه‌میزگه باش اورینگ!
مهاجرلر وزیرلیگی نینگ معینی، مملکت‌نی ترک ایتیش اوچون افغان‌لر ترغیب بولیشینی فایده‌لنیش ریکلام دیب و اونی مملکت ایچکی ایشلری گه اره‌له شیش عنوان قیله‌دی. او نینگ تأکیدلشیچه، دنیا افغانستان خلقی نینگ اراده و قراری گه حرمت قیلیش‌لری کیره‌ک.
عین‌حالده، اسلامی امارت باش وزیری نینگ بیرینچی اورین‌باسری ملا‌عبدالغنی برادر، بوگون کابل‌ده دوحه بیتیمی ایکی ییل‌لیگی مناسبتی بیلن یولگه قوییلگن ییغینده، مملکت بویلب ییگیتلر اولکه‌نی ترک قیلیش اورنیده افغانستان ده قالیب مملکت ترقیاتی اوچون سعی-حرکت قیلیش‌لرینی طلب قیلدی.
جناب برادر نینگ اورغولشیچه، افغانستان یاش‌لر گه نیازی بار و ییگیتلر مسلک و کوچلری بیلن مملکت نی حاضرگی انقراض‌دن قوتقره آله‌دیلر.
بیزلرنینگ توییترده هم تعقیب قیلینگ!
گزارش‌لر اساسیده، مملکت بویلب اسلامی امارت حاکم بولیشیدن کیین، افغان‌لر نینگ مهاجرت میزانی آشگن، نیویارک تایمیز کونده‌لیگی بیر گزارش ترقه‌تیب ایتیشیچه، یالغیز اوتگن ۴ آی‌ده ۱ میلیون دن آرتیق افغان قشاق‌لیک و ایش سیزلیک طفیلی ایران گه آواره بولگن‌لر.
