کاپیسا ده‌گی مسئوللر اوشبو ولایت نینگ تگاب تومنی‌ده سوو تاشقین یوز بیرگنیدن خبر بیرگنلر.
کاپیسا امنیه قومندانلیگی سوزلاوچیسی عبدالفتاح فائز نینگ سلام‌وطندار گه ایتیشیچه، بوگون ایرته‌لب ساعت ۴:۳۰ اطرافیده، تگاب تومنی نینگ «لنداخیل» قیشلاغیده یوز بیرگن سوو تاشقین‌لر، ایکینچیلر و محل یشاوچیلر گه کوپینچه مالی زیان ییتیشتیرگن.
بیزلرنینگ توییترده هم تعقیب قیلینگ!
کاپیسا امنیه قومندانلیگی سوزلاوچیسی نینگ کوپه‌یتیریشیچه، مذکور قیشلاغ‌ده یوز بیرگن سوو تاشقین، اونلرچه یشش اوی و یوزلرچه جریب ییر نی تخریب قیلگن و شونینگدیک اونلرچه رأس چاروه سوو تاشقین گه آقگن دیر.
باشقه بیر تامان‌دن، کاپیسا ایکینچیلیک، سووغاریش و چاروه‌چیلیک ریاست رئیسی روح‌الله روحانی نینگ سلام‌وطندار گه ایتیشیچه، «قول بابر» دیب ناملنگن قیشلاغ‌ده نیچه سوو توغانی و نیچه جریب ایکینچیلیک ییر تخریب بولگن دیر.
بیزلرنینگ فیسبوک صحیفه‌میزگه باش اورینگ!
کاپسا ایکینچیلیک ریاست رئیسی شونینگدیک اوشبو ولایت نینگ اله‌سای تومنی‌ده هم سوو تاشقین یوز بیرگنی نی تصدیق‌لگن؛ بیراق اونینگ زیان‌لری خصوصیده معلومات ارایه قیلمه‌گن.
