آمریکالیک «گالوپ» نظر سوره‌ش موسسه‌سی نینگ انجام بیرگن ینگی آماریده کورسته‌تیشیچه، افغانستانده قشاقلیک کوپه‌یشی اوشبو مملکت یشاوچیلری نینگ قیین بیر وضعیت‌ده قرار بیرگن که اولردن ۹۴ فایزی یمان بیر وضعیت‌ده حیات کیچیره‌دیلر.
اوشبو نهاد نینگ آماری اساسیده، افغانستان یشاوچیلریدن ۷۵ فایزی، اوچ پیت ییمکی نی تیارلش گه قادر ایمسلر و اولردن ۵۸ فایزی حیات کیچیریش اوچون درست باش پناه‌لری یوق. گالوپ آماری نینگ بیان قیلیشیچه، عیاللر ایرککلردن کوپراق بو قیین‌چیلیکلر نی تحمل قیله‌دی.
بیزلرنینگ فیسبوک صحیفه‌میزگه باش اورینگ!
بیراق اسلامی امارت سوزلاوچیسی ذبیح‌الله مجاهد، بوگون توییتر صحیفه‌سیده یازیشیچه، گالوپ نام‌‌لی غربی رسانه‌لردن بیری ادعا قیلگن که افغانستان یشاوچیلریدن ۹۴ فایزی «عذاب»ده حیات کیچیره‌دیلر. مجاهد گالوپ موسسه آماری نی پروپاگند دیب و اونی رد قیله‌دی.
اونینگ ایتیشیچه، حاضر مملکت‌ده اوروش یکونلنگن و اهالی نیتچ و امنیت‌ده حیات کیچیره‌دیلر. ذبیح‌الله مجاهد گه کوره، مملکت‌ده بوندن آلدین اقتصادی قیین‌چیلیکلر بار ایدی؛ بیراق حاضر ایسه اسلامی امارت اونینگ آلدینی آلیش اوچون سعی و حرکت قیله‌دی.
شونده‌ی بیرحالده، مملکت‌ده اسلامی امارت قدرت گه ایریشگنیدن کیین، ایش‌سیزلیک کوپهیگن و انه شوو سبب، مملکت‌ده قشاقلیک نی کوپهیگن. مملکت یشاوچیلریدن محمد آصف، سابق‌ده دولتی اداره‌لرده ایش قیلر ایکن، بیراق حاضر ایسه بوت رنگ قیله‌دی. او، حاضرگی حیاتی نینگ وضعیتی نی یمان دیگن.
عین حالده، جماعه شناس‌لردن قطاری نینگ ایشانچلریگه کوره، سیاسی ساختار یوقلیگی مملکت نینگ اقتصادی رواجلنتیریش اوستیگه زیان یتیشتیرگن و انه شوو سبب، قشاقلیک و اوندن کیین، رنج و عذاب نی کوپه‌یتیرگن.
بیلیم یورت استادی و جماعه شناس منیژه بهره نینگ سلام‌وطندار گه ایتیشیچه: «اقتصادی نینگ شکست بیریش اوچون اینگ اونلی نرسه، سیاسی تیزیم نینگ اوزگریشی دیر. یعنی بیزلر سینیغ بیر سیاسی تیزیم بیلن روپه‌رومیز که اقتصادی رواجلنتیریش اوچون هیچ خاص بیر فورمول یوق و هر کیم‌دن آلدین اهالی بو ناحیه‌دن متاثر بوله‌دی.»
بیزلرنینگ توییترده هم تعقیب قیلینگ!
شونینگدیک روان‌شناس شرف‌الدین عظیمی نینگ ایشانچی گه کوره، قشاقلیک کوپه‌یگنی رنج نی کوپه‌یگنی گه سبب بولیب که نتیجه‌ده، انسان‌لر روانی و روحی کسل‌لیکلر گه چلینه‌دیلر.
گالوپ نظر سوره‌ش موسسه تامانیدن افغانستان یشاوچیلری نی یمان وضعیتی خصوصیده سروی بولگن بو بیرینچی گزارش ایمس، بلکیم بوندن آلدین هم خلق ارا نهادلردن قطاری سونگی نیچه آیده افغانستان یشاوچیلری نینگ حیات‌لری نی یمان دیگن ایدی.
