فاریاب ساغلیق‌نی سقلش مسئوللری نینگ ایتیشلریچه، اوشبو ولایت نینگ کووید ۱۹ کسلخانهسی بودجه‌سیزلیک و یاردم بیرووچی دفتر نینگ تمدید قیلمسلیگی باعث ایکینچی مراتبه یاپیلگن.
فاریاب کووید ۱۹ کسلخانه باشلیغی محمدزمان اعظمی نینگ سلام‌وطندار گه ایتیشیچه، مذکور کسلخانه «سف» دفتری تامانیدن آلتی آی‌لیک قرارداد بولگن ایدی تأسف بیلن اوشبو قرارداد تمدید بولمه‌ی و کسلخانه یاپیلگن.
بیزلرنینگ فیسبوک صحیفه‌میزگه باش اورینگ!
جناب اعظمی نینگ کوپه‌یتیریشیچه، کووید ۱۹ کسلخانه یاپیلیشی بیلن ۳۰ شفاکار ایش‌سیز بولگن.
اونگه کوره، اوشبو کسلخانه یاپیلیشی بیلن کرونا گه چلینگن کسللر تقدیرسیز بولگن و اوشبو کون کرونا ویروس گه گمانلنگن تورت کیشی نینگ نتیجه‌سی، مثبت قید ایتیلگن.
فاریاب کووید ۱۹ کسلخانه باشلیغی، مؤسسه‌لردن شفاکارلر و کسللرنی تقدیرسیز قویمه‌ی و اوشبو کسلخانه بیلن قرارداد قیلیش‌لرینی طلب قیله‌دی.
کووید ۱۹ کسلخانه متخصص‌لریدن داکتر جلال گه کوره، مذکور کسلخانه قرادادی تمدید ایتیلمسلیگی بیلن کسللر گه علاوه شفاکارلر تقدیرسیز بولگن.
بیزلرنینگ توییترده هم تعقیب قیلینگ!
جناب جلال نینگ کوپه‌یتیریشیچه، اوشبو ولایتده هر کونی کرونا مثبت واقعه‌لری کوپه‌یماقده و بوتوغریده بیر کسلخانه نینگ فعال بولیشی اساسی نیاز دیر.
مذکور کسلخانه مسئوللری نینگ ایتیشلریچه، جمهوریت و امارت زمانیدن اوشبو کسلخانه نینگ قریب ۱۶۰ پرسونلی نینگ آلتی یریم آی معاش‌لری دنیا بانکی اوستیگه قالگن و کوپ سعی و حرکت‌لر بیلن حاضرگچه معاش‌لری توللنمه‌گن.
ایتیش کیره‌ک که، بوندن آلدین فاریاب نینگ ۴۰ بسترلیک کووید ۱۹ کسلخانهسی، اوشبو کسلخانه ایشلاوچیلری نینگ آی‌لیگی بیریلمسلیگی باعث یاپیلگن ایدی.
