فاریاب یشاوچیلری، اوشبو ولایتده ترافیکی حادثه‌لر کوپه‌یشیدن خواطر بیلدیریب، مذکور ولایت ترافیک مدیریتیدن بوتوغریده دقتلی بولیشینی طلب قیله‌دیلر.
فاریاب یشاوچیلریدن عبدالوهاب و سخیداد نینگ سلام‌وطندار گه ایتیشلریچه، سونگی کونلرده اوشبو ولایت بویلب ترافیکی حادثه‌لر طفیلی عادی یشاوچیلردن قطاری اولیب و یره‌لنگن.
اولر گه کوره، فاریاب ترافیک مدیریتی بوتوغریده دقت قیلیب و برچه ترافیکی حادثه‌لر سببینی انیقلب و چاره تدبیریش کوریشی کیره‌ک.
بیزلرنینگ فیسبوک صحیفه‌میزگه باش اورینگ!
عبدالوهاب نینگ ایتیشیچه: «اوشبو کونلر ترافیکی حادثه‌لر جُدا هم کوپه‌یگن، موتر هیداوچیلر نینگ لایسنسی یوق و کیمسه دقت قیلمه‌یدی.»
فاریاب یشاوچیلریدن باشقه بیری سخیداد گه کوره: «ترافیک مدیریتی قانون_قاعده‌لر عملگه آشیریلیشینی قتیق آلیب و حکومت هم دقت قیلیشی درکار، کوپراق عادی اهالی قربان بوله‌دی.»
فاریاب یشاوچیلری اسلامی امارت حکومتیدن، لایسنسی بولمه‌گنلر گه هیداوچیلیک رخصتی بیریلمه‌ی و ترافیک مدیریتی هم لایسنسی بولمه‌گن هیداوچیلرنی قانون_قاعده گه بناً جزالنتیریشینی سوره‌یدیلر.
فاریاب ولایتی ترافیک مدیری ملانجیب‌الله خیبر، مذکور ولایت یشاوچیلری نینگ خواطرینی تصدیقلب سلام‌وطندار گه ایتیشیچه، اوتگن اوچ کونده اوشبو ولایتده ترافیکی حادثه‌لر سبب بیر باله شامل ۴ کیشی هلاک بولیب و باشقه عیاللر و باله‌لر شامل کمیده ۲۵ کیشی یره‌لنگنلر.
جناب خیبر، فاریاب ده ترافیکی حادثه‌لر کوپه‌یش سببینی هیداوچیلر نینگ تیز هیده‌شی و دقت‌سیزلیگی عنوان قیله‌دی.
بیزلرنینگ توییترده هم تعقیب قیلینگ!
فاریاب ترافیک مدیری نینگ ایتیشیچه، ترافیکی حادثه‌لر کوپه‌یش سبب‌لریدن باشقه بیری هیداوچیلر گه جریمه پارچه بیریلمسک دیر، اوتمیش ده هیداوچیلیک قانونی دن تشقری حرکت قیلگن هیداوچیلر جریمه بولر ایدی، شونی اوچون احتیاط قیلیب و حادثه کم ایدی. اونگه کوره: «هیداوچیلر نینگ دقت‌سیزلیگی و تیز هیده‌شی باعث ترافیکی حادثه‌لر کوپه‌یگن، ترافیکی حادثه‌لر کوپه‌یش سب‌لریدن باشقه بیری هیداوچیلر نینگ جریمه بولمسلیگی دیر، و بیزنی جریمه قیلیش صلاحیتیمیز یوق دیر.»
فاریاب ترافیک مدیریتی مسئوللری نینگ ایتیشلریچه، اولر گه صلاحیت بیریلگن تقدیرده، ترافیکی حادثه‌لر کمه‌یشی ممکن.
ینگی‌لیکده، بوگون شنبه ایرته‌لب، اندخوی_جوزجان قتناو یولیده ایکی موتر نینگ توقنشووی عاقبتیده ایکی کیشی هلاک بولیب و باشقه ۷ کیشی ایسه یره‌لنگنلر.