اروپا اتفاقی نینگ افغانستان اوچون ایلچیسی وان برانت، اسلامی امارت کوچلری تامانیدن اویمه-اوی تیکشیریلیش عملیاتی گه واکنش کورسه‌تیب، اوشبو جریان تیزلیک بیلن توخته‌تیلیشینی سوره‌گن.
برانت توییتری‌ده یازیشیچه « قورقیتیش، اوی‌نی تیکشیریش، قولگه آلیش و ایریم قوم‌لر اعضا‌لری و عیال‌لر گه قرشی زوروانلیک جنایت دیر و تیزلیک بیلن توخته‌تیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
اروپا اتفاقی نینگ افغانستان اوچون ایلچیسی، روسیه نینگ اوکراین گه هجومی گه اشاره قیلیب، اسلامی امارت گه خطاب تأکیدلشیچه «پوتین نینگ اوروشی بیلن، سیزلرنی کوزه ته‌میز.»
بو عین‌حالده، ۳ کوندن بویان، اسلامی امارت کوچلری کابل نینگ قطار ساحه‌لری و بیرقطار قوشنی ولایت لرده اویمه-اوی تیکشیریش عملیات‌نی یولگه قویگن.
اسلامی امارت سوزلاوچیسی ذبیح‌الله مجاهد، توییتری‌ده یازیشیچه، اوشبو منطقه‌لرده تازه‌لش عملیات یولگه قوییلیشیدن مقصد، بوندن آلدین اسلامی امارت خوفسیزلیک کوچلری تامانیدن انیقلنگن اوغری، آدم اوغری‌لر و باشقه جنایی جرم‌لر گه قولی بولگن‌لرنی حبس گه آلیش دیر.
بیزلرنینگ توییترده هم تعقیب قیلینگ!
شونینگدیک کابل شهری یشاوچیلریدن قطاری، اسلامی امارت کوچلری تامانیدن اوی‌لری تیکشیریلیشیدن شکایت قیلیب ایتیشلریچه، اسلامی امارت کوچلری تامانیدن اوی‌لر تیکشیریلیشی، اهالی اینیقسه خاتین قیزلر و باله‌لرنی خواطری گه سبب بولگن.
بیراق اسلامی امارت سوزلاوچیسی نینگ ایتیشیچه، بو عملیات‌دن مقصد، اهالی، سوداگرلر، شفاکارلر و بیلیم یورت استادلری نینگ خوفسیزلیگینی تأمینلش دیر. او اوتگن کونی کابل‌ده مطبوعاتی ییغینده ایتیشیچه، اسلامی امارت کوچلری اوتگن ایکی کون‌ده کابل شهری‌ده اوی‌لرنی تیکشیریش و تازه‌لش عملیات‌لری جریانیده، اسلامی دولت یا داعش گروهی گه تیگیشلی ۶ کیشی، ۹ آدم اوغری و ۵۳ مسکلی اوغری نی قولگه آلیب و بیر مقدار قورال-یراغ اولر نینگ قولی گه توشگن.