ایچکی ایشلر وزیرلیگی، ۵ ماده دن عبارت بیر کورستمه‌ده کابل امنیه قوماندان لیگی گه بویروغ بیرگن که بوندن کیین اسلامی امارت خوفسیزلیک کوچلری محکمه حکم قیلمسدن کیچه آرقه‌لی کیمسه نینگ تورر اویینی تیکشیریب یا متهم‌نی نظرگه آلیش بهانه‌سیده اویینی تلاشی قیلیش گه حق‌لری یوق دیر.
اوشبو کورستمه اساسیده، بوندن بویان اسلامی امارت خوفسیزلیک کوچلری نظارت چاغیده قیینچیلیک سیز کیمسه گه اوق آتیش اجازه‌سی یوق دیر. اوشبو کورستمه‌ده کیلیشیچه، اسلامی امارت خوفسیزلیک کوچلری وظیفه‌لری جریانیده مملکت یشاوچیلری بیلن یخشی مناسبتده بولیب و اولر گه قیینچیلیک توغدیرمسلیک‌لری کیره‌ک.
بیزلرنینگ فیسبوک صحیفه‌میزگه باش اورینگ!
کورستمه اساسیده، اسلامی امارت کوچلری گه، خوفسیزلیک و جنایی واقعه‌لر چاغیده، مجرم‌لرنی اذیت قیلیش، حقارت و کلتکلش‌دن واز کیچیش لری توصیه قیلینگن.
مذکور کورستمه‌ده، اسلامی امارت حربی‌لری گه تاپشیریلگن وظیفه‌نی گذر وکیل‌لری، حوزه و تومن کتته‌لری حضوری بیلن یاروغ کونده بجریب و عادی اهالی همده متهم‌لر نینگ شرعی حقوقی گه حرمت قیلیش لری قید ایتیلگن.
کورستمه آخری‌ده کیلیشیچه، یوقاری‌ده قید ایتیلگن حالت‌لرنی رعایت قیلمه‌گن لر بیلن قانونی یانده شیله‌دی. ایچکی ایشلر وزیرلیگی اوشبو کورستمه‌نی کابل امنیه قوماندان لیگیگه عین‌حالده جونه‌تگن که، سونگی کون‌لرده، نظارت چاغیده اهالی اسلامی امارت کوچلری تامانیدن اذیت و بیزاوته بولیش‌لری کوچه‌یشی حقیده گزارش‌لر ترقه‌لگن.
بیزلرنینگ توییترده هم تعقیب قیلینگ!
بونگه علاوه، نظارت پیتیده اسلامی امارت کوچلری نینگ اهالی گه قره‌ته اوق اوزیشی، اولکه یشاوچیلرینی خواطری گه سبب بولگن اساسی موضوع لردن دیر. اسلامی امارت کوچلری اوشبو هفته‌ده قندهار ده نظارت کیزیده بیر ریکشا گه قره‌ته اوق اوزیب نتیجه‌ده بیر عیال هلاک وباشقه ایکی عیال یره‌لندیلر.
