اسلام امیرلیگی مدافعه وزیرلیگی، شنبه کونی، ۳۰ ثور، اوز توییتری ده، ایران قوراللی کوچلر باش قوماندانی نینگ اورین باسری ییتکچیلیگیده بیر هیئت کابل گه ییتیب کیلگنیدن خبر بیرگن.
مذکور وزیرلیک نینگ کوپه‌یتیریشیچه، اسلام امیرلیگی ستاد باشلیغی اورین باسری مالی‌خان صدیق، ایران قوراللی کوچلر باش قوماندانی اورین باسری بهرام حسینی مطلق بیلن مدافعه وزیرلیگی تشقی مناسبت‌لر ریاستیده اوچره‌شگن.
بیزلرنینگ فیسبوک صحیفه‌میزگه باش اورینگ!
جناب صدیق، اسلام امیرلیگی تورلی ساحه‌لرده ایران بیلن همکارلیک‌لری گه دوام بیریش گه متعهد ایکن‌لیگیدن ایشانچ بیرگن.
شونینگدیک، ایران قوراللی کوچلر باش قوماندانی، ایکی مملکت نینگ چیگره مسئله‌لری، قوشمه همکارلیکلر و ایکی تامان ارا قیینچیلیک اوستیده تأکید ایتگن.
بیزلرنینگ توییترده هم تعقیب قیلینگ!
ایتیش کیره‌ک که، سونگی کون‌لرده هلمند دریاسی سووی تقسیماتی اوستیده ایکی مملکت اورته‌سیده‌گی کیسکین‌لیکلردن کیین، جناب حسینی مطلق کابل گه سفر قیلیب و اسلام امیرلیگی رسمی‌لری بیلن ملاقات قیلگن.
