میلادی ۲۰۲۶-ییل جهان کپی ریتینگی اوچون بیللشووده، انگلستان فوتبال ملی تیرمه جماعهسی فرانسه گه غلبه قازانیب و اوچینچی اوریننی ایگللهدی.
اوشبو بیللشووده انگلستان جماعهسیدن دکلان رایس اوچینچی دقیقه، ازری کنسا ۱۸ دقیقه، بوکایو ساکا ۳۷، ۴۵، ۸۷ دقیقهلرده گل اوریب هتریک قیلدی و جود بلینگهام ایسه ۹۸ دقیقهده انگلستاننینگ آلتینچی گلینی دروازه گه کیریتیشگه موفق بولدی. شونینگدیک فرانسه فوتبال ملی تیرمه جماعهسیدن کیلیان امباپه ۴۸، ۶۶ دقیقه همده بردلی بارکولا ۵۴ دقیقه و عثمان دمبله ایسه ۹۶ دقیقه ده گل اوردیلر. بو حساب بیلن انگلستان ۶-۴ حسابیده فرانسه گه غلبه قازاندی.
باشقه تاماندن، کیلیان امباپه اویینده ایکی گل اوردی و ۲۲ گل بیلن جهان کپلری تاریخینینگ اینگ یولدوزلریدن بیریگه ایلندی. او اوشبو دور مسابقهلرده ارجنتاین یولدوزی لیونل مسیدن ایکی گل کوپ اوریش گه اولگوردی و ۱۰ گل بیلن گل اوروچیلرنینگ بیرینچی ریتینگیده توردی.
میلادی ۲۰۲۶-ییل جهان کپی فینال بیلشوویده ارجنتاین و اسپانیا کابل وقتی بیلن کیچه (۲۸ سرطان/۱۹ جولای، یکشنبه) ساعت ۱۱:۳۰ ده بیللشهدی.
