هرات کووید ۱۹ کسل‌خانه‌لریدن قطاری نینگ ایشلاوچیلری و داکترلری آیلیکلری توللنمه‌گنی و بستلر نینگ کمه‌یگنی باعث، بوگون اوشبو ولایتده RHDO دفتر بناسی برابریده اعتراض قیلگنلر.
مذکور معترض داکترلر و ایشلاوچیلر نینگ ایتیشلریچه، آیلیکلری نینگ قول گه کیلتیریش اوچون نیچه دفعه دولتی نهادلر و مسئول موسسه‌لر گه مراجعه قیلگنلر؛ بیراق، حاضرگچه آیلیکلری توللنمه‌گن.
هرات شیدایی کووید ۱۹ کسلخانه داکترلریدن بیری عبدالرووف رحیمی نینگ ایتیشیچه: «بیزلر عامه ساغلیک ریاستی گه مراجعه قیلگن‌میز، ولایت گه مراجعه قیلگن‌میز و اورین‌باسرلیککه مراجعه قیلگن‌میز، احکام بیردیلر و RHDO دفتری آیلیکلرینیز نی توله‌یدی دیدیلر. حاضر قیغو بیلن بیزلر باره‌میز لیکن قاغذپرانلیک قیلیب، هر ییرگه بیزلر نینگ یوباره‌دیلر و توهین قیله‌دیلر. بیزلر حقی‌میز گه ایریشماق نی ایسته‌یمیز.»
بیزلرنینگ توییترده هم تعقیب قیلینگ!
شونینگدیک هرات شیدایی کووید ۱۹ کسلخانه داکترلریدن باشقه بیری مجید نینگ ایتیشیچه: «بیزلر بو ییر گه ایش قیلگن‌میز، RHDO دفتری کمه‌یگنینگیزدن کیین، ایکینچی کونده معاش‌لرینگیز نی بیره‌میز دیب سوزبیرگن ایدیلر. بو تنقیص‌دن ۲۰ کون اوته‌دی، بیزلر نینگ معاشی‌میز نی بیرمه‌گنلریگه علاوه، جواب هم بیرلمه‌یدیلر. دفتر آمری مینی صلاحیتم یوق دیده‌دی، صلاحیتی بولمه‌گن صورتده، نیمه اوچون بو ییرده اولتیرگن و دفتر نینگ آمری بولگن؟»
هرات کووید ۱۹ کسل‌خانه‌لریدن قطاری نینگ ایشلاوچیلری یمان اقتصادی بیر وضعیت‌ده قرار تاپگنلر، شونینگدیک اولرنینگ ایتیشلریچه، اولر نینگ آیلیکلری تیزلیککه توللنمه‌گن صورتده، عایله خره‌جتلری نی تامین‌لش اوچون گرده‌لری نینگ ساتیش گه مجبور قاله‌دیلر.
هرات شیدایی کووید ۱۹ کسلخانه نینگ خدماتی ایشلاوچیلریدن باشقه بیری حفیظ‌الله نینگ ایتیشیچه: «قرض‌دارمیز، پریشان‌میز، باله‌لریم کسل. اوتگن کون نادارلیک باعث، کسلخانه گه کیتیب گرده‌‌م نی ساتیش گه زورلندیم. قرضدار و نادارلیک سبب، اویدن چیقه‌آلمه‌یمن. ۷ آیدن بیری معاش بیرمه‌گنلر و انه شولر بیزلر نینگ قیین‌چیلیکلریمیز دیر. بیزلر نینگ بیر ییردن باشقه بیر ییرگه یوباره‌دیلر، هیچ کیم جواب هم بیرمه‌یدی.»
شونینگدیک هرات کووید ۱۹ کسلخانه نینگ خدماتی ایشلاوچیلریدن باشقه بیری جلیل‌احمد نینگ ایتیشیچه: «۷ آیدن بیری معاشمیز نی بیرمه‌گنلر. بیزلر بیرکونده ۱ مینگ بالون نی انتقال بیره‌ر ایدیک، هیچ کیم بارمه‌گن کسللر نینگ یانیگه بیزلر بارر ایدیک و بیزلر نی ایشدن چیقرگنلریدن ۱ آی بوله‌دی و شو رقم کسلی‌میز بار و قرضدار میز.»
بیزلرنینگ فیسبوک صحیفه‌میزگه باش اورینگ!
RHDO دفتری نینگ مسئوللری و هرات کووید ۱۹ کسلخانه‌لر ایشلاوچیلری نینگ آیلیکلرینی توللش مسئولیتی بولگن نهادلرنینگ فکرلرینی اورگه‌نیش ایسته‌دیک، بیراق مذکور اداره مسئوللری قونغراق لریمیزگه جواب قیترمه‌دیلر.
عین‌حالده، هرات ساغلیق‌نی سقلش ریاستی سرویلانس بولیمی مسئولی احمد امیر نژاد گه کوره، خلق‌ارا نهادلر آرقه‌لی مذکور ولایت کووید ۱۹ شفاخانه‌لرنینگ ملازم‌لری آیلیکلرینی توللش مقصدیده سعی و حرکت قیلماقده‌لر.
هرات ساغلیق‌نی سقلش ریاستی مسئوللری نینگ بیاناتی اساسیده، اوشبو ولایتده کرونا ویروسی گه یولیققن‌لر سانی آشماقده ایکن، لیکن بیرقطار داکترلر و کووید ۱۹ کسلخانه‌لر ایشلاوچیلری نینگ بست‌لری تنقیص بولگن. ساغلیق‌نی سقلش مسئوللری نینگ ایتیشلریچه، حاضر کونده ۲۰۰دن آرتیق داکتر و ایشلاوچی، کرونا کسللری گه ساغلیک خذمت عرضه قیلماقده‌لر.
