۲۶ جون خلق‌ارا بنگوار ماده‌لری گه قرشی کوره‌ش کونی گه ماس، بیراق کابل ده معتادلرنی درمانلش مرکزلردن بیریده‌گی معتاد عیاللردن قطاری، هیچ کیم‌لری یوق‌لیگیدن شکایت قیلیب ایتیشلریچه، باشقه‌لرنی حمایتی گه نیازمندلر، بیراق انچه ییل دن بویان قرینداش‌لریدن هیچ بیری ملاقات اوچون کیلمه‌گن.
کابل شهری ده «معتاد عیاللر و باله‌لرنی درمانلش مرکز» ده‌گی معتاد عیاللر نینگ سلام‌وطندار گه ایتیشلریچه، انچه ییل اوتسه‌ده بیراق قرینداش‌لریدن هیچ بیری اولرنی عیادتی اوچون کیلمه‌گن.
یقین دوست‌لری آرقه‌لی بنگوار ماده گه چلینگن یاش قیز شریفه، اوشبو مرکزده دوالنماقده، هیچ کیمی یوق‌لیگیدن شکایت قیله‌دی. اونگه کوره، حمایت گه نیازمند؛ لیکن کیمسه اونینگ احوالینی سوره مه‌یدی.
بیزلرنینگ فیسبوک صحیفه‌میزگه باش اورینگ!
شریفه نینگ ایتیشیچه: «اوچ ییل دن بیری شو ییرده من کیمسه احوالیمنی سوره مه‌یدی، هیچ کیمیم حتا پایوازیم یوق، یالغیز اوزیم من.»
مذکور مرکز ده دارو_دوالنه یاتگن معتادلردن باشقه بیری صدبرگ نینگ ایتیشیچه، بیر یریم ییل دن بویان اونینگ قرینداش‌لریدن و قرینداش‌لری اوندن احوال‌لری یوق.
او تقدیری دن نالیب ایتیشیچه، نیچه ییل مقدم تورموش اورتاغی بیلن بدخشان دن کابل کیلدی، ییری اوقیتووچی بولسه ده؛ بیراق بنگوار ماده گه چلیندی.
اونگه کوره، بیلمسدن ییری نینگ گودالی گه توشدی و شونینگدیک ایکی فرزندی هم بنگوار ماده‌لری گه چلینگن.
یالغیز قالگن صدبرگ نینگ ایتیشیچه، قرینداش‌لریدن خبری یوق.
برچه‌سی بیلن بوگون ۲۶ جون خلق‌ارا بنگوار ماده‌لری کوره‌ش کونی گه ماس، مملکت ساغلیق‌نی سقلش وزیرلیگی نینگ معتادلرنی ییغیش و دارو_دوالش اوچون مخصوص ریجه‌سی بولیشی کوتیله‌دی؛ اما عکسینچه بو ییل مذکور وزیرلیک نینگ معتادلر اوچون هیچ برنامه‌سی یوق.
مملکت ساغلیق‌نی سقلش وزیرلیگی نینگ سوزلاوچیسی شرافت زمان، بنگوار ماده‌لری گه قرشی کوره‌ش کونیده، اوشبو وزیرلیک نینگ ریجه‌سی یوق‌لیک سببینی، پکتیکا، پکتیا و خوست ولایت‌لریده‌گی احوال چتاغ‌لیگی عنوان قیله‌دی.
بیزلرنینگ توییترده هم تعقیب قیلینگ!
شرافت زمان نینگ ایتیشیچه: «بوتوغریده ریجه نظرگه آلر ایدیک، لیکن تأسف بیلن پکتیکا ده‌گی حادثه باعث آله آلمه‌دیک، انشاء‌الله او بولیمده پروگرام آله‌میز.»
ایتیش کیره‌ک که، بیرلشگن ملت‌لر تشکیلاتی نینگ باش کاتبی آنتونیو گوترش، اوشبو پدیده یوق ایتیلیشی اوستیگه تأکیدلب ایتیشیچه، بنگوار ماده‌لری دن اون‌لب میلیون انسان قوتقریلیشی کیره‌ک.
هر ییلی ۲۶ جون دن، خلق‌ارا بنگوار ماده‌لری گه قرشی کوره‌ش کونی اوله‌راق نشانلنه‌دی.
