بوگون ۱۵ جون خلق‌ارا گل کونی گه ماس. روان‌شناس لردن بیر قطاری اوشبو مناسبت بیلن سلام‌وطندار گه ایتیشلریچه، تورلی خیل گُل ایتیشتیریش و تماشا قیلیش انسان‌لر نینگ روحی حالتینی اوزگرتیریب و انسان‌لر گه تینچلیک حسینی بیره‌دی.
روان‌شناس لردن بولمیش عبدالله حسینی نینگ سلام‌وطندار گه ایتیشیچه، گل محیط_اطراف‌نی بیزه‌لتیریب و انسان‌لرده‌گی برچه قیغو و الم‌نی برطرف قیله‌دی.
عبدالله حسینی نینگ ایتیشیچه: «گل اوی ده بولسه محیط نی گوزه‌ل‌لشتیره‌دی، دفترده بولسک گل‌نی کوریب روح و روانیمیزنی تازه قیلیشیمیز ممکن.»
بیزلرنینگ فیسبوک صحیفه‌میزگه باش اورینگ!
روانشناس‌لردن باشقه بیری عصمت هاشمی نینگ ایشانچی گه کوره، انسان‌لر نینگ روحی و گل‌لر آره‌سیده یخشی مناسبت موجود دیر. اونگه کوره: «انسان نینگ اصلیتی مثبت اویلش و مثبت کوریش دیر، گل حقیده صحبت قیلگنده مثبت اویله‌یمیز. انسان‌لر گل و طبیعت بیلن چقور مناسبت ده دیر.»
کابل یشاوچیلریدن بیری داوود شاه‌مل، انسان‌لر نینگ ایچکی حالتی و گل مناسبتی خصوصیده ایتیشیچه، انسان‌لر قیغوده بولسه، بیر قطار گُل‌لر اولر نینگ قیغو و حسی برابری ده عکس‌العمل کورسته‌دی.
جناب مل نینگ ایتیشیچه: «ناراحت‌‌لیک حس قیلیب و قیغوده بولسم، گل نینگ برگ‌لری پژمرده بولر ایدی بیراق خورسند بولگنیمده، عادی حالتی گه قیتیب و برگ‌لری کوک و تِیک کوریلردی.»
عین‌حالده، گل فروش‌لیک احوالینی تیکشیریش مقصدیده، کابل شهری ده‌گی گلخانه‌لرگه باش اوردیک.
گل ساتووچیلر، گل بازاری تنزل گه یوز توتیشیدن شکایت قیلیب ایتیشلریچه، مملکت ده توزوم اوزگریشیدن کیین، گل ساتووچیلیک اوز رونقینی قولدن بیرگن.
بیزلرنینگ توییترده هم تعقیب قیلینگ!
گُل ساتووچیلر نینگ ایتیشلریچه، اولکه یشاوچیلری گُل ساتیب آلیش اورنیده، ییگولیک ماده و نیازلرینی تیارلشنی اویلب و گُل ساتیب آلیش گه قادر ایمس‌لر.
گرچند افغانستان ده خلق‌ارا گُل کونیدن نشانلش رواج بولمسه ده، بیراق مملکت یشاوچیلریدن قطاری گُل کورگزمه‌لرینی یولگه قوییب اوشبو کوندن نشانله‌یدیلر.
