بوگون (یک‌شنبه، ۲۵ ثور)، قابله‌لر خلق‌ارا کونی گه ماس. ساغلیق‌نی سقلش وزیرلیگی اوشبو کون مناسبتی بیلن، کابل ده مطبوعاتی ییغین اوتکزدی.
ساغلیق‌نی سقلش وزیرلیگی نینگ ایتیشیچه، ینگی معلومات اساسیده اوشبو وزیرلیک ده ۳۴ مینگ ۸۲۵ قابله ثبت که اولر ارا یالغیز ۶ مینگ ۳۳ ته‌سی ایش بیلن تأمینلنگن.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی نینگ مالی و اداری اورین باسری محمداسحاق صاحب‌زاده گه کوره، تخمیناً ۲۸ مینگ قالگن قابله گه ایش شرایطی یره‌تیلمه‌گن.
عین‌حالده، قابله‌لردن قطاری ایش‌سیزلیککه علاوه، ایش امتیازلری آزلیگی و جانی مصئونیت‌سیزلیکدن شکایت قیله‌دیلر.
افغانستان قابله‌لر کینگش باشلیغی هیلی غرشین، اسلامی امارت‌دن تیزلیک بیلن قابله‌لر نینگ قیینچیلیکلری حلی مقصدیده اعتبار قره‌تیشینی طلب قیله‌دی.
مذکور ییغینده اسلامی امارت سوزلاوچیسی ذبیح‌الله مجاهد، قابله‌لر حقوقی توللنیشیدن ایشانچ بیلدیریب ایتیشیچه، اولر نینگ عالی اورگه‌تیش خصوصیده تلاش قیلینه‌دی.
بیزلرنینگ توییترده هم تعقیب قیلینگ!
ساغلیق‌نی سقلش وزیرلیگی عین‌حالده مملکت بویلب کوپ سانده قابله‌لر بیکارلیگیدن خبر بیره‌دی که ساغلیک بولیمیده داکتر آزلیگی اولکه فقرالری نینگ اساسی قیینچیلیکلریدن سنله‌دی و ییلی ده یوزلب عیال، صحی خذمت‌لرگه دسترسلیگی یوق‌لیگی طفیلی، ولادت چاغیده اوز جانلرینی قولدن بیره‌دیلر.