کابل شهری‌ده هیداووچیلردن قطاری، موترلر اوچون انیق بیکت‌لر (ایستگاه) یوقلیگیدن شکایت قیلیب ایتیش‌لریچه، بو مسئله اولرنی قیینچیلیک بیلن دوچ قیلگن، چونکه اولر هر ییردن یولاووچی آلیش گه مجبورلر و ترافیک پولیسی ایسه اولرنی بو ایشی اوچون موترلری نینگ تایرینی پنچر قیله‌دی.
ترافیک پولیسی تامانیدن موتری نینگ تایری پنچر بولگن تکسی هیداوچی نوراحمد نینگ ایتیشیچه، انیق بیکت‌لر یوقلیگی اولرنی قیینچیلیک بیلن روپه‌ره قیلگن.
نوراحمد نینگ کوپه‌یتیریشیچه: «تکسی هیداوچی من، انیق بیر بیکت یوق. ترافیک پولیس‌لری کیلیب، هیداووچیلر موترلری نینگ تایرینی پنچر قیله‌دیلر. اهالی بیر قیران ایشلمه‌یدی ایکی یا-ده اوچ مینگ گه تایر آله‌دی. هیچ سوره‌مسدن کیلیب موترنی پرچه_پرچه قیله‌دی، کوپ قیینچیلیک بیلن روپه‌میز. بیکت‌لرده هم بولگنی‌میز پیتده کیلیب موتریمیز نی پنچر قیله‌دیلر.»
بیزلرنینگ فیسبوک صحیفه‌میزگه باش اورینگ!
کابل شهری کوته‌سنگی منطقه‌سیده یولاوچی تاشووچیلیک بیلن شغللنیب کیله‌یاتگن موتر هیداووچیلر نینگ ایتیش‌لریچه، شهری موترلر اوچون انیق بیکت‌لر یوقلیگی، هم هیداوچی و هم ترافیک نی قیینچیلیک بیلن روپه‌ره قیلگن.
کابل شهری کوته‌سنگی منطقه‌سیده یولاوچی تاشووچیلیک بیلن شغللنیب کیله‌یاتگن موتر هیداووچیلردن بیری محمد‌تقی ایتیشیچه: «بیکت یوق، هیداوچیلر نینگ نظم‌سیز دیه‌دیلر؛ خدا گه اینانینگ که هیداوچیلر نظم‌سیز ایمس، بیراق بیکت قیین‌چیلیگی دیر. بیکت بولمه‌گن پیتده قنده‌ی یولاوچی آله‌یدیک. بیرآز ایلگری بارسک یولاوچی یوق، ایلگری بارمه‌گنده ظالم ترافیک‌لر کیلیب موتر نینگ نیچه تایرینی پنچر قیله‌دی.»
شونینگدیک موتر هیداوچیلردن باشقه بیری سلطان نینگ ایتیشیچه: «بو بیکت‌لرده توخته‌گنده، اسلام امیر‌لیگی کوچلری کیلیب و موتریمیزنی شهرک گه آلیب کیته‌دیلر یا-ده پنچر قیله‌دیلر؛ هیچ یولاوچی یوق.»
شونده‌ی بیرحالده، کابل ترافیک عمومی ریاست رئیسی حسیب‌الله مختار نینگ ایتیشیچه، انیق بیکت‌لر یوقلیگی ترافیک پولیسی نینگ هیداوچیلر بیلن ناتوغری یانده‌شووی گه سبب بولگن.
بیزلرنینگ توییترده هم تعقیب قیلینگ!
جناب مختار نینگ کوپه‌یتیریشیچه: «بیر منطقه دن باشقه منطقه گه باریش اوچون ترانسپورت بلدیه‌سی تامانیدن بیکت‌لر و مرکزلر قوریلمه‌گن، شونی اوچون هیداوچیلر بیلن قیینچیلیککه دوچ بولگن‌میز. موتر هیداوچیلر قییرده توختش‌لرینی بیلمه‌یدیلر، سرک اورته‌سیده موترلرینی توخته تیشه‌دی.»
بو توغریده شهری ترانسپورت ریاستی و کابل بلدیه‌سی رسمی‌لری نینگ فکر_ملاحظه‌سینی اورگه‌نیشنی ایسته‌دیک، بیراق مذکور اداره‌لر بیکت قوریش اولر نینگ مسئولیتی ایمس‌لیگینی ایتدیلر.
عین‌حالده، بوندن آلدین هم اهالی کابل شهری ده تکسی آتی ده شهری موترلر کوپه‌یگنیدن شکایت قیلیب و بو موضوع شهر ده نظم‌سیزلیککه سبب بولیشینی ایتگن ایدیلر.
