جمهورلیک ریاستی نینگ سابق اورین باسری و ملی اسلامی جنبش حزبی نینگ رهبری مارشال عبدالرشید دوستم، ۱ یریم ییلدن سونگ، بوگون “شنبه” کابل‌گه کیلگن.
جناب دوستم، مملکت جمهور رئیسی و سیاسی رهبرلر بیلن اوچره‌شیب مملکت جاری وضعیتی خصوصیده بحث قیلیش اوچون کابل‌گه کیلگنی‌نی بیلدیرگن.
مارشال دوستم نینگ طالبان تامانیدن زوروانلیکلر کوپه‌یتیریلیشیدن تنقید قیلیب ایتیشیچه، اوشبو گروه مملکت وضعیتی‌نی یمان قیلیش بیلن اهالی نینگ دولت‌گه بولگن ایشانچی‌نی کمه‌یتیریش‌نی ایسته‌یدی.
جمهورلیک ریاستی نینگ سابق اورین باسری، افغانستان‌لیکلر ارا سوزلشوولرگه اشاره قیلیب ایتیشیچه، بو جریان شکست بیلن دوچ کیلگن صورتده، طالبان‌گه قرشی اوروشیش‌گه حاضر دیر.
عین‌حالده، ملی مصالحه کینگشی باشلیغی عبدالله عبدالله نینگ تینچلیک خصوصیده اشاره قیلیب ایتیشیچه، افغانستان اهالی‌سی نینگ ایسته‌گی گه قرشی اوروش و ناتینچلیکلر کوپه‌یگن.
ملی مصالحه کینگشی افغانستان‌لیکلر ارا سوزلشوولر باشله‌نیشی و آتیش‌کیسین اعلان ایتیلیشی اوستیگه تاکید قیلگن.
شونینگدیک، افغانسان اسلامی وحدت حزبی رهبری محمد محقق نینگ ایتیشیچه، وضعیت‌نی یمان قیلیش و اوروش آرقه‌لی افغانستان‌گه حاکم بولیش ناممکن دیر.
