پاکستان اکسپرس تریبون» کونده‌لیگی بوگون (۲۹-اسد، دوشنبه) ترقه‌تگن گزارشیده، اوشبو مملکت نینگ افغانستان اوچون مخصوص وکیلی آصف علی‌خان درانی دن نقل قیلیب یازیشیچه، دنیا نینگ افغانستان احوالی گه دایر بی فرق‌لیگی، بو مملکت نینگ ۲۰۰۱-ییل ۱۱ سپتمبر هجومیدن آلدینگی احوال گه قیتیش امکانی موجود دیر.
اوشبو گزارش ده، پاکستان نینگ افغانستان اوچون مخصوص وکیلی، افغانستانده داعش نینگ کوچلنیشنی ادعا قیلگن. عین‌حالده، اسلام امیرلیگی هېچ بیر گروه گه باشقه مملکتلر گه هجوم قیلیش اوچون افغانستان توپراغیدن فایده‌لنیش گه رخصت بیرمسلیگی اوستیگه تأکیدلب بوتوغریده‌گی خواطرلرنی اساس‌سیز دیب اته‌گن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سۉزلاوچیسی نینگ اورین باسری حمدالله فطرت گه کوره: «افغانستان هېچ بیر مملکت اوچون تهدید اېمس. اسلام امیرلیگی نیچه مراتبه افغانستان توپراغیدن هېچ بیر مملکت گه هجوم بولمسلیگی حقیده ایشانچ بیرگن. بیز بوتوغریده‌گی خواطرلرنی رد قیله‌میز و ېنه بیر بار بونی اېته من که افغانستان بوتون توپراغی اسلام امیرلیگی کوچلری تامانیدن باشقریلماقده و تینچ دیر.»
ایش بیلرمان‌لر نینگ ایشانچی گه کوره، پاکستان اۉز منفعتی و دنیا مملکت‌لری نینگ اعتبارینی تارتیش اوچون بونده‌ی ادعا قیله‌دی. اولر نینگ ایتیشلریچه، پاکستان اۉز توپراغیده عصیانچی گروه‌لر گه جای بیریب و منطقه خوفسیزلیگینی قیینچیلیک بیلن دوچ قیلگن، شونی اوچون افغانستان نی بوتوغریده مسئول تانیشتیریش گه سعی-حرکت قیلماقده.
پاکستان رسمی‌لری نینگ کېتمه-کیت بونده‌ی بیانات‌لرینی، افغانستان گه اۉز غایه‌لری گه ایریشیش اوچون اسلام امیرلیگی اوستیگه باسیم کېلتیریش دیب ایشانه‌دیلر، ایش بیلرمان‌لر.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان نجیب‌الرحمان شمال گه کوره: «افغانستان نینگ ۱۱-سپتمبر هجومی ده هېچ رولی یوق اېدی و دنیا گه ثابت بولدی که افغانستان یالغیز پاکستان و بیر قطار مملکتلر رسمی‌لری نینگ بهانه‌سی و عیبلاولری بیلن، امریکا و ناتو بیلمسدن بو ییرگه باستیریب کېردیلر»
سیاسی ایش بیلرمان‌لردن باشقه بیری اسلام‌الدین معارج نینگ ایتیشیچه: «بو افغانستان برابریده پاکستان ریکلامی بیر بولیمی دیر اسلام امیرلیگی اوستیگه باسیم کېلتیریش و پاکستان نینگ غایه‌لری گه اېریشیشی اوچون.»
اسلام امیرلیگی سۉنگی اوچ ییلده افغانستان بویلب خوفسیزلیک تأمین اېتیلگنیدن ایشانچ بیرگن بولسه ده، بیراق بیرقطار مملکتلر اینیقسه پاکستان، افغانستان خوفسیزلیگی گه دایر خواطر بیلدیریب کېلگن.
