اسلام امیرلیگی صناعت و سودا وزیرلیگی مسئوللری، افغانستان و اۉزبيکستان اوچ کونلیک سودا کورگزمهسی ایکّی مملکت اۉرتهسیده ۲.۵ میلیارد دالرلیک ۲۵ شرطنامه امضالنیشی بیلن ۲۹-اسد، دوشنبه کونی یکونلنگنینی معلوم قیلهدیلر.
سلاموطندار زمانهوی و کلاسیک نقطه نظریدن یاشلر نینگ حیات اسلوبلرینی انیقلش مقصدیده مملکت نینگ ۲۵ ولایتیده سوراو یولگه قویگن، بو سوراو گه ۵۵۴ قیز و ییگیت قتنشگن. سوراو نتیجهسی اساسیده، افغانستانده کوپینچه یاشلر زمانهوی و کلاسیک اسلوب نی قوشیش گه قیزیقیشی انیقلنگن.
پاکستانلیک ییتکرمهلر اوشبو مملکت نینگ دولتی رسمیلریدن نقل قیلیب گزارش بیریشیچه، جاری میلادی ییل ۲۱-جولایدن ۱۷-آگستگه قدر پاکستان ۳۲ مینگ ۲۰۰ افغانستان یشاوچیسی نی چیقرگن.
پاکستان اکسپرس تریبون» کوندهلیگی بوگون (۲۹-اسد، دوشنبه) ترقهتگن گزارشیده، اوشبو مملکت نینگ افغانستان اوچون مخصوص وکیلی آصف علیخان درانی دن نقل قیلیب یازیشیچه، دنیا نینگ افغانستان احوالی گه دایر بی فرقلیگی، بو مملکت نینگ ۲۰۰۱-ییل ۱۱ سپتمبر هجومیدن آلدینگی احوال گه قیتیش امکانی موجود دیر.
خلقارا «انساندوستلیک» کونی بیلن بیرگه، افغانستان ده بیرلشگن ملتلر تشکیلاتی بالهلردن حمایت قیلووچی صندیغی نینگ اعلام قیلیشیچه، جاری میلادی ییلده افغانستان ده ۲۳ میلیون ۷۰۰ مینگ کیشی جملهدن ۱۲ میلیون ۳۰۰ مینگ باله نینگ انسانپرورلیک یاردملرگه نیازی بار.
غزنی محلی مسئوللری نینگ بیان قیلیشیچه، اوشبو ولایتده سوو تاشقینی عاقبتیده بیر عایله نینگ اوچ اعضاسی هلاک بولیب و باشقه اوچ اعضاسی ایسه یرهلنگنلر.
پنجشیر ایکینچیلیک، سووغاریش و چاروهچیلیک ریاستی مسئوللری نینگ ایتیشلریچه، اوتگن ییل اوشبو ولایتده بوغدای حاصلاتی ۱۷ مینگ ۵۲۹ متریک تنُ گه ییتیشگنی بیرحالده، بو ییل بوغدای حاصلاتی ۲۵ مینگ ۶۸۵ متریک تُن گه ییتیشگن.
بغلان امنیه قوماندانلیگی مسئوللری نینگ ایتیشلریچه، اوشبو ولایتده بیر ییگیت اوزینی آتیب اولدیرگن. بغلان امنیه قوماندانلیگی سوزلاوچیسی شیراحمد برهانی نینگ ایتیشیچه، اوشبو ولایت دهنهی غوری تومنی نینگ نوآباد قیشلاغی یشاوچیسی بولمیش محمد نعیم اسملی مذکور ییگیت، آو قورالی بیلن اوزینی اوققه توتیب حیاتی گه نقطه قویگن.
تورکیه نینگ «تیآرتی آواز» کانالی آذربایجان مدافعه وزیرلیگیدن نقل قیلیب یازیشیچه، ارمنستان عسکرلری آذربایجان چېگره حدودلری «کلبجر» ده چېگره پوستهلری گه اوت آچگن.
روسیه جمهور باشلیغی ولادیمیر پوتین، رسمی بیر سفر ده آذربایجان پایتختی باکو گه یېتیب بارگن. خلقارا یېتکرمهلر نینگ معلوماتی اساسیده، پوتین جنابلری ۲۸-اسد، یکشنبه دن دوشنبه گه اوتر کیچه آذربایجان گه تشریف بویرگن. روسیه جمهور باشلیغی اوشبو سفریده آذربایجان هوا قونالغهسیده مذکور مملکت باش وزیری نینگ بیرینچی اورین باسری یعقوب ایوباوف تامانیدن کوتیب آلینگن.
غور سپورت مسئوللری نینگ ایتیشلریچه، اوشبو ولایتده فوتبال بیللهشوولری اوچ ییلدن کیین اوتگن کون (یکشنبه، ۲۸-اسد)، عصر چاغی قیته باشلنگن.
