کان‌لر و پترولیم وزیرلیگی نینگ سرپرستی شهاب‌الدین دلاور گه کوره، دوحه صلح مذاکره‌لری جریانیده، آمریکا قوشمه ایالت‌لری افغانستان ده پایگاه‌لر ایجاد ایتیشنی سوره‌گن ایدی که اسلامی امارت تامانیدن رد بولدی.
کان‌لر و پترولیم وزیرلیگی نینگ سرپرستی بوگون کابل‌ده دوحه بیتیمی ایکی ایل‌لیگی مناسبتی بیلن اوتکزیلگن ییغینده ایتیشیچه، آمریکا افغانستانده نیچه پایگاه ایجاد ایتیشنی ایسته‌ب، اولر گه پایگاه ایجاد ایتیلیش زمینه‌سی یره‌تیلمه گن تقدیرده، افغانستان سوریه تقدیری گه روپه‌رو بولیشیدن آگاه لنتیرگن ایدی.
بیزلرنینگ فیسبوک صحیفه‌میزگه باش اورینگ!
جناب دلاور گه کوره، آمریکا قوشمه ایالت‌لری نینگ مذاکره هیأتی افغانستان نینگ بولیش بهانه‌سیده، پایگاه‌لر ایجاد ایتیشنی سوره‌ب، آمریکا و باشقه مملکت‌لر افغانستان‌نی ترک قیلسه، اوشبو مملکت قوللب و کتته قیینچیلیک‌لر گه یوزمه یوز بولیشینی ایتگن ایدی.
کان‌لر و پترولیم وزیرلیگی نینگ سرپرستی گه کوره، اسلامی امارت هیأتی مذاکره‌لر جریانیده، وعده‌لری گه توخته‌ب و آمریکا نینگ بو ایسته‌گینی رد ایتدی.
دلاور، عین‌حالده افغانستانده همه شمول حکومت شکللنیشی گه عاید دنیا جماعه‌چیلیگی نینگ خواستی گه اشاره قیلیب ایتیشیچه، اسلامی امارت همه شمول حکومت ایجاد ایتگن و حاضر سابق حکومت مسئول‌لری وظیفه‌لری گه دوام بیرماقده‌لر.
بیزلرنینگ توییترده هم تعقیب قیلینگ!
او نینگ کوپه‌یتیریشیچه، کان‌لر و پترولیم وزیرلیگیده عیاللر شامل ۲۰۰۰ سابق حکومت ایشلاوچیلری، ایشله‌ماقده دیر.
دلاور نینگ اورغولشیچه، دنیا جماعه‌چیلیگی، همه شمول آتیده اوزی گه تیگیشلی کیشی‌لرنی حکومتده شامل قیلیشنی ایسته‌یدی. او نینگ ایتیشیچه، دنیا همجمعیت دستلب ۸کیشی‌لیک و کیین ایسه ۱۵ کیشی‌لیک رویخط‌نی حکومت گه شامل قیلیش مقصدیده اسلامی امارت گه بیردی؛ بیراق اسلامی امارت اولر نینگ خواهش-ایسته‌گیگه هیچ قچان باش ییگمه‌یدی.
