بوگون “پنجشنبه” ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کندوز ده کرونا ویروسی‌گه شبهه‌لی ۲ مینگ و ۵۵۹ کیشی دن آلینگن نمونه‌لر سیناودن اوتکزیلگن و بوجمله‌دن ۵۰۵ ته‌سی نینگ نتیجه‌سی ایجابی تانیلگن.
کرونا ویروسی دن ینگی ایجابی واقعه لر کابل، هرات، قندهار، بلخ، ننگرهار، تخار، بغلان، قندوز، پکتیا، فاریاب، هلمند، میدان‌وردک، بدخشان، لوگر، غزنی، بادغیس، کنر، لغمان، پنجشیر، ارزگان، غور، خوست، فراه، پکتیکا و جوزجان ولایت لریده قید ایتیلگن.
ساغلیق‌نی سقلش وزیرلیگی گه کوره، مذکور مدتده کرونا ویروسی‌گه چلینگن‌لردن ۱۰ ته‌سی دنیا دن اوتیب و باشقه ۱۵۸ ته‌سی درمان‌لنگن دیر.
ساغلیق‌نی سقلش وزیرلیگی تامانیدن بیریلگن آمارلرگه کوره، مملکت‌ده کرونا ویروسی چیقگنیدن حاضرگه‌قدر ۶۵ مینگ و ۸۰ کیشی بو ویروس‌گه چلینگن و بو جمله‌دن ۲ مینگ و ۷۸۲ ته‌سی دنیا دن اوتیب و باشقه ۵۵ مینگ و ۶۸۷ ته‌سی درمان‌لنگن دیر.
شونینگدیک، دنیا بوییچه ۱۶۵ میلیون و ۶۰۷ مینگ کیشی کرونا ویروسی‌گه چلینگن و بوجمله‌دن ۳ میلیون و ۴۳۳ مینگ کیشی دنیا دن اوتیب و باشقه ۱۴۴ میلیون و ۶۶۴ مینگ کیشی درمان‌لنگن دیر.
