اسلام امیرلیگی ایکینچیلیک، سووغاریش و چارواچیلیک وزیرلیگی، فاریاب ولایتیده افغانستان و اوزبیکستان اورتاقلیک باغلی برپا ایتیلیشی بو ایکی دولت رسمیلرینینگ اشتراکی بیلن باشلنگنینی معلوم قیلدی.
اوشبو وزیرلیک، بوگون (۷ اسد/۲۹ جولای، چهارشنبه) بیر بیانیه ترقهتیب، اورتاقلیک باغی ۳۰۰ جریب ییرده فاریاب ولایتی خانچهارباغ تومنیده برپا ایتیلیشینی معلوم قیلگن.
بیانیه گه کوره، بو باغنینگ برپا ایتیلیشی، «یشیل اندخوی» شرکتینینگ آلدینگی شرطنامهسی اساسیده، خانچهارباغ تومنی «چکمن» حدودیده باشلنگن.
فاریاب ولایتیده افغانستان و اوزبیکستان اورتاقلیک باغی برپا ایتیلیشی، باغدارلیک رواجلنیشی، افغانستان و اوزبیکستان اورتهسیده قوشمه همکارلیکلر کینگهیشی، ایش امکانیتلری یرهتیلیشی اوچون مهم حرکت دیب تن آلینگن.
