بامیان‌ده محلی منبع‌لر نینگ ایتیش‌لریچه، بامیان ولایتی کهمرد تومنی نینگ «دوآب میخ‌زرین»، «کلیج» و «آش‌پشته» قیشلاغلریده تاش کومیر کانی نینگ قازیب چیقاریش ایشی اون ییل توخته‌گنیدن کیین، اوتگن کون قیته باشلندی.
بامیان حاکمی اورین‌باسری انس عزیزی نینگ سلام‌وطندار گه ایتیشیچه، اوشبو ولایت کهمرد تومنیده بوتون تاش کومیر کان‌لری نینگ قازیب چیقاریش ایشی قیته باشلنیب و شونینگدیک اوتمیشده برچه دلیللر باعث باغلنگن کانلر نینگ آچیلیش و قازیب چیقاریش ایشی اوچون سعی و حرکت نینگ دوامی بار.
بیزلرنینگ توییترده هم تعقیب قیلینگ!
عریزی گه کوره، مذکور کانلر محل یشاوچیلری تامانیدن قازیب چیقاریلیب و خصوصی بیر شرکت گه ساتیله‌دی که قرارداد قیلگن شرکت هر بیر بریکت تاش کومیر برابریده، اسلامی امارت مسئوللری گه ۲ مینگ و ۵۰۰ افغانی توللش گه مسئول دیر.
بامیان حاکمی اورین‌باسری نینگ کوپه‌یتیریشیچه، اوشبو کان نینگ قازیب چیقاریش ایشی باشلنیشی بیلن، بامیان نینگ کهمرد، غندک و سیغان تومن یشاوچیلردن یوزلرچه‌سی گه ایش زمینه‌سی ایجاد بولگن.
بیزلرنینگ فیسبوک صحیفه‌میزگه باش اورینگ!
بامیان کهمرد تومنی نینگ تاش کومیر کانی، مملکت نینگ بویوک تاش کومیر کان‌لریدن دیر که اوشبو ولایت مرکزی نینگ شمال-شرقی‌سیده قرار تاپگن.
سابق دولت پترولیم و کان وزیرلیگی قویاش ۱۳۹۱- ییلده، مذکور تومن تاش کومیر کانی نینگ قازیب چیقاریش ایشی نی توختتگن ایدی و اوشبو کان نینگ (MCC) چینایی بیر شرکت تامانیدن قازیب چیقاریشی اوچون قرار قیلینگن ایکن. اوتمیش ییللرده، بامیان محلی زورمندلری قانونی‌سیز بیر شکلده بو ولایت کانی نینگ قازیب چیقاریش ایشی گه قول اورگن ایکنلر.