پکتیا ولایت مرکزی گردیز شهری و تومن‌لریده بعضی منطقه‌لر بار که مکتب کم‌لیگی و اوزاق‌لیگی باعث، قیزلر تعلیم و مکتب باریش‌دن محروم بولگنلر. بیراق «care» یا-ده «پاملرنه» موسسه همکارلیگی بیلن گردیز شهری نینگ اوزاق منطقه‌لریده مکتبدن محروم قالگن قیزلر گه درسی صنفلر ایجاد بولگن.
پکتیا معارف ریاست مسئوللری نینگ ایتیش‌لریچه، اوشبو ۵۰ درسی صنف فایده‌لی بولگن و اوشبو صنف‌لرده کمیده ۱ مینگ و ۴۰۰ قیز تعلیم کورماقده.
پکتیا معارف ریاست سوزلاوچیسی شاه‌رحمان حذیفه نینگ ایتیشیچه، اوشبو صنف‌لردن پاملرنه موسسه‌سی و قیشلاقلر کینگشی نظارت قیله‌دی. اونینگ کوپه‌یتیریشیچه، پاملرنه موسسه‌سی نینگ همکارلیگی بیلن اوچ تومن سیکرم، احمدابا و گرده‌سیری ده ۴۰ دن آرتیق درسی صنف ایجاد قیلگن و قیزلر اوشبو صنف‌لرده تعلیم کورماقده‌لر.
بیزلرنینگ فیسبوک صحیفه‌میزگه باش اورینگ!
پکتیا معارف ریاست سوزلاوچیسی گه کوره، شونینگدیک اوشبو ولایت نینگ باشقه تومن‌لریده هم شونده‌ی صنفلر نینگ ایجاد بولیشی اوچون سعی و حرکتلر نینگ دوامی بار. اونینگ ایتیشیچه: « پاملرنه موسسه آرقلی قیزلر اوچون ایجاد بولگن صنفلر، قیزلرنینگ تعلیمی سویه‌لری نی یوقاری ایلتیش گه فایده لی ایکن و اوشبو صنفلر ایجاد ایتیلیشی بیلن قیزلرنینگ سویه‌لری یوقاری کیتگن.»
عین حالده، مذکور تعلیمی صنف‌لردن مستفید بولگن قیزلردن قطاری، باشقه عایله‌لردن قیزلری نینگ تعلیمات کوریشی اوچون سعی و حرکت قیلیش‌لری نی سوره‌شگن.
مذکور اوقووچی‌لردن بیری سعدیه نینگ ایتیشیچه: «بو صنفلر نینگ یوقلیگیده بیزلر درس‌دن محروم ایدیک. حاضر بو صنفلرنینگ ایجاد بولگنی اوچون بیزلر خوشحال‌میز، حاضر ایسه قیزلر خوشحال درسی صنفلرگه حضور تاپه‌دیلر.»
شونینگدیک اوشبو اوقووچی‌لردن باشقه بیری ثنا نینگ ایتیشیچه: «آته و بابه‌لردن خواهش قیله‌من که قیزلری نینگ مکتب باریشی گه رخصت بیرسینلر. قیزلر کوپ خوشلر و ایشانچ بیلن درس اوقیدیلر.»
بیزلرنینگ توییترده هم تعقیب قیلینگ!
پکتیا‌ده عیال حقوقی فعال‌لریدن روحانیه سحر نینگ ایتیشیچه، اوشبو صنفلر نینگ ایجاد بولگنی بیلن، بوندن آلدین تعلیم‌دن محروم بولگن قیزلر گه تعلیم زمینه‌سی فراهم بولدی. او، بو پروسه نینگ کینگه‌یشی نی سوره‌گن.
خانم سحر نینگ کوپه‌یتیریشیچه: «بو صنفلرنینگ کوپینچه‌سی اوقووچیلر نینگ مکتب گه قول تاپه‌آلمه‌گن منطقه‌لرده ایجاد بولگن. بو صنفلر ایجاد ایتیلیشی بیلن اوزاق منطقه‌لرده اوقووچیلر درس نعمتیدن مستفید بولیش‌لری گه سبب بولگن. مذکور پروسه اهالی نینگ تعلیم گه علاقه‌لری نی کوپه‌یتیرگن.»
اوشبو صنفی درسلر گردیز شهری نینگ اوزاق منطقه‌لریده ایجاد بولگن بیرحالده، اسلامی امارت قدرت گه ایریشیشی بیلن، حاضرگچه ۶- صنف‌دن یوقاری صنف‌لرده‌گی قیزلر گه مکتب باریش اوچون رخصت بیریلمه‌‌گن. شونده‌ی بیرحالده، اسلامی امارت معارف وزیرلیگی ینگی‌لیکده ایتیشیچه، قیزلرنینگ مکتب‌لری آچیلیشی اوچون بیر طرح اوستیگه ایش قیلماقده‌لر.
