هلمند مدنی فعال‌لریدن قطاری نینگ ایتیش‌لریچه، افغانستان‌ده اسلامی امارت نینگ قدرت گه ایریشگنیدن کیین، فعالیت‌لری توخته‌گن دیر. اولر اقتصادی قیین‌چیلیک، ایش‌سیزلیک و اسلامی امارت تامانیدن فعالیت‌لری اوچون شرایط نابیللی بولگنی نی، فعالیت‌لری نینگ توخته‌گنی گه سبب بولگن اینگ اونملی دلیل دیگنلر.
مدنی فعال‌لر نینگ کوپه‌یتیریش‌لریچه، سابق دولت‌ده هلمند‌ده مدنی فعالیت‌لر کوپ ایکن و شو یول‌دن اهالی قیینچیلیکلری نی مسئوللر گه ییتیشتیرر ایکنلر، بیراق اسلامی امارت نینگ قدرت گه ایریشگنیدن کیین، اوشبو ولایت‌ده مدنی جماعه‌چیلیک فعال‌لری هیچ فعالیت قیلمه‌گن.
هلمند‌ده مدنی نهادلردن بیری نینگ رئیسی برکت‌الله سرشار نینگ سلام‌وطندار گه ایتیشیچه، سابق تیزیم‌ده، اوشبو ولایت‌ده ۲۱ مدنی نهاد فعال ایکن که بولردن ۳ نهادی ایسه عیال‌لر گه عاید ایکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، حاضر ایسه ایش‌سیزلیک، بودیجه یوقلیگی، قشاق‌لیک و باشقه بیر قطار قیین‌چیلیکلر نینگ کوپه‌یگنی سبب، هلمند‌ده مدنی فعالیت‌لری توخته‌گن دیر.
هلمند مدنی فعال‌لریدن باشقه بیری صفی‌الله عزیزی نینگ ایتیشیچه، سابق تیزیم‌ده مدنی نهاد‌لر کوپراق عدالت‌سیزلیک و فساد گه قرشی‌کوره‌ش اوچون فعالیت قیلر ایدی، بیراق اونگه کوره، حاضرگچه اسلامی امارت نینگ شونده‌ی فعالیت‌لری بیلن قیینچیلیکلری بار می، یوق می بیللی ایمس.
مدنی نهاد‌لر نینگ قیته فعالیت‌لری نی باشله‌یشلری خصوصیده اسلامی امارت مسئوللری نینگ فکری نی آلیش ایسته‌دیک؛ لیکن کیین‌مه کیین قونقیراغ‌لر بیلن موفق بولمه‌دیک.
بیزلرنینگ توییترده هم تعقیب قیلینگ!
ایتیش کیره‌ک که، بوندن آلدین خلق‌ارا نهادلردن قطاری افغانستان‌ده مدنی فعال‌لر برابریده چیکلاو یره‌تیش و سوز ایرکین‌لیگی نینگ یمان وضعیتی خصوصیده خواطر بیلدیرگن ایدیرلر.