آمریکا جمهوررئیسی جو بایدن افغانستان پولی ذخیره‌لری نینگ آزاد بولیشی اساسیده‌گی بویروغدن کیین، مملکت مرکزی بانکی مذکور قرار نی ناعادلانه دیب و اوشبو زمینه‌ده فکری نی تغییر بیریش نی سوره‌گن. مذکور بانک بوگون بیر اعلامیه ترقه‌تیب ایتیشیچه، افغانستان پولی ذخیره‌لری نینگ باغلنگنی خصوصیده‌گی آمریکا قراری و اونینگ بی‌ربط هدف‌لری، ناعادلانه دیر.
بیزلرنینگ توییترده هم تعقیب قیلینگ!
افغانستان مرکزی بانکی نینگ اعلامیه‌سیده کیلیشیچه: «مرکزی بانک هیچ بیر زمان افغانستان پولی ذخیره‌لری نینگ غرامت یا_ده انسانی یاردم نامی آستیده باشقه‌لر نینگ اختیاری گه قرار تاپیشی نی ایستمه‌یدی.» مذکور بانک نینگ اورغولشیچه، مملکت نینگ پولی ذخیره‌لری سیاست تطبیقی، دنیا بیلن سوداگرلیک نینگ آسایشته‌لیگی و مملکت نینگ مالی سیستمی نی محکم قیلیش اوچون قوللنه‌دی و اونینگ اصلی مالکی حکومت هم ایمس احزاب هم؛ بلکیم افغانستان یشاوچیلری دیر.
افغانستان مرکزی بانکی نینگ کوپه‌یتیریشیچه، اوشبو پول نینگ اختیاری افغانستان اهالیسی نینگ قولیده دیر و آمریکا آلگن قراری نی تغییر بیریب و افغانستان سرمایه‌لریدن برچه‌سی نی آزاد قیلیشی کیره‌ک. شونده‌ی بیرحالده، آمریکا جمهور رئیسی جو بایدن، سونگی بویروغیده ۷ میلیارد دالر افغانستان پولی ذخیره‌لریدن ۳.۵ میلیارد دالری نی ۱۱_ سپتامبر هجومی عاقبتیده قربان بولگنیلر گه اختصاص بیرگن.
بیزلرنینگ فیسبوک صحیفه‌میزگه باش اورینگ!
اسلامی امارت قدرت گه ایریشگنیدن کیین، افغانستان پولی ذخیره‌لری نیویورک نینگ بانکی‌ده باغلندی. اوشبو ذخیره حقیده آمریکا دولتی نینگ سونگی قراری، شونینگدیک انسانی حقوق نهادلری نینگ عکس‌العمل‌لری بیلن روپه‌رو بولگن.
انسان حقوقی کوزه‌تووچیسی بیر اعلامیه ترقه‌تیب، افغانستان مرکزی بانکی ذخیره‌لریدن ۳.۵ میلیارد دالری نینگ ۱۱_سپتامبر هجومیده قربان بولگنلر گه اختصاص بیریلیشی اساسیده‌گی آمریکا جمهوررئیسی نینگ بویروغیدن انتقاد قیلیب و ایتیشیچه، آمریکا جمهوررئیسی افغانستان سرمایه‌لری نینگ تصرف قیلماقده.
