۲۹-میزان اۉزبېک تیلی نینگ ملی کونیدن، افغانستان ده اۉزبېک تیلی نینگ ادبی اورنی عنوانیده دولت رسمی‌لری، بیلیم یورت اوقیتووچیلری، یازووچیلر، شاعرلر همده فرهنگ‌سیورلر نینگ حضوری بیلن بوگون (۲۷-میزان، جمعه) کابلده نشانلندی.
اوشبو احتفال تشکیلاتچیلریدن بیری محمدحسن تولقین اۉزبېک تیلی نینگ ادبی اورنی برنامه، کابلده‌گی اۉزبېک خلقی نینگ شاعرلری، یازووچیلری، فرهنگی‌لر و ژورنالیست‌لری تامانیدن یولگه قوییلگنینی اېته‌دی.
بو احتفال، اۉزبېیک تیلی نینگ رواجلنتیریش مقصدیده یولگه قوییلگنینی معلوم قیله‌دی، محمدحسن تولقین.
اونینگ کوپه‌یتیریشیچه: «بیرقطار کابلده یشاوچی شاعرلر، یازووچیلر، فرهنگی‌لر و ژورنالیست‌لر تامانیدن یولگه قوییلدی، بو برنامه‌نی یولگه قوییشدن اساسی مقصدیمیز اۉزبېک تیلینی رواجلنتیریش اوچون قدملرنی کوتاریش دیر.»
بیزلرنینگ فیسبوک صحیفه‌میزگه باش اورینگ!
شونینگدیک، اوشبو احتفالده قتنشگن فاریاب بیلیم یورتی اۉزبیک تیلی و ادبیات دیپارتمنتی استادی محمداشرف شریفی، اۉزبېکلر نینگ بارلیگی و بای‌لیگینی کورسه‌تیش، بو تیلنی رواجلنتیریش و اۉزبېک خلقی ضیالی‌لری قۉشمه فکر بیلن ریجه‌لرینی توزیش و فکر المشتیریش اوچون بو کبی احتفاللر یولگه قوییلیشینی مهم دیه بهاله‌یدی.
شریفی جنابلری گه کوره: «۲۹-میزان گه بخیشلب آلینه‌دیگن احتفاللر نینگ آزدن-آز بیزگه ایکیته فایده‌سی بار، بیری بوکه اۉزبېک خلقی، اۉزبېک ضیالی‌لری اۉزبېک تقدیری و اۉزبېک ادبیاتی حقیده فکر بیلدیره‌دیلر و بونی یانیده اۉزبېکلر نینگ بارلیگی و بایلیگی نمایش گه قوییله‌دی، منه چاپ بولگن کتابلر، منه قول کییملری، منه ملی ییمک‌لر، شونگه اوخشش کېلگوسیده اۉزبېک تیلی رواجلنیشی اوچون ریجه‌لر و برنامه‌لر آلینه‌دی، بیلیمدانلر و یازووچیلر آره‌سیده فکر المشتیریله‌دی، مینیمچه بو بیر ایجابی آدیم.»
شریفی جنابلری، افغانستانده سۉنگی ۲۰ دن آرتیق ییلده ۱۰۰ عنواندن کوپراق کتاب ترقه‌تیلگنی اوستیگه تأکید، حاضرگی کونده افغانستانده اۉزبېک تیلی نینگ ادبی اورنی یېترلیچه یخشی‌لیگینی اېته‌دی.
بیزلرنینگ «ایکس» ترماغی ده هم تعقیب قیلینگ!
احتفالده قتنشگن تألیف و ترجمه رسمی‌لری، افغانستانده اۉزبیک تیلینی اسره‌ش و اونی رواجلنتیریش اوچون بوتوغریده بی فرق بولمسلیک کېره‌ک دیېدیلر.
تألیف و ترجمه آمری، تیلنی رواجلنتیریش اوچون تیلده کتابلر یازیلمه‌ی، اوقیلمه‌ی و گپیریلمه‌گن حالده، استه-سیکین بو تیل یوق بولیشینی بیلدیره‌دی.
تألیف و ترجمه آمری شمس‌الدین فاروقی نینگ ایتیشیچه: «اۉزبیک اۉزینی تانیشی کېره‌ک، بیز عالم بولیب حاضرگه قدر بیر کتاب نی تفسیر قیلگنی یوق‌میز، بیز عالم بولیب حاضرگچه اۉزبیک تیلیده ترجمه قیلگنی یوق‌میز، تورته حدیثنی اجتماعی ترماق‌لرده تاپه آلمه‌یسیز، تاپه آلمسلیک سببی نیمه؟ بونی مشکلی بار؛ یا ظرفیت یوق یا که اۉز قدریمیزنی بیلمه‌یمیز.»
مذکور احتفال، سرپرست حکومتدن اۉزبیک تیلی رواجلنتیریلیشی اوچون عالی درگاه‌لرده اۉزبیک تیلیده یازیلگن کتابلر اوقیتیلیشی، فرهنگی برنامه‌لر، فیستیواللر و کورگزمه‌لر یولگه قوییلیشی، شاعر و یازووچیلر ترغیب اېتیلیشی و اولر اۉز اثرلرینی یازیب چاپ دن چیقریش اوچون قۉللب-قوتلنیش، مکتب‌لرده اۉزبېک باله‌لری اۉز آنه تیللری اوقیش اوچون کتابلر ترقه‌تیلیش طلبی بیلن یکونلندی.
