بوگون بلخ بیلیم یورتی اوزبیک تیلی و ادبیات دیپارتمنتی‌ده، استادلر، مدنیتچیلر و اوقووچیلر نینگ حضوری بیلن بیر برنامه یولگه قوییلیب، ۲۹-میزان اوزبیک تیلی ملی کونیدن نشانلنگن.
مذکور برنامه گه شرکت قیلگن بلخ بیلیم یورتی استادلری و بیر قطار مدنیتچیلر، ۲۹-میزان اوزبیکی تیلی ملی کونی مناسبتی بیلن سرپرست حکومت‌دن، دولتی مکتب اوقووچیلری گه اوزبیکچه‌ده یازیلگن کتابلر نینگ ترقه‌تیلیشی و اوقیتیلیشی، اوزبیک تیلی و ادبیات دیپارتمنتی نی بیتیرگن طلبه‌لر گه ایش زمینه‌سی یره‌تیلیشی و ماسترلیک و دکتورا درجه‌سیده تحصیل آلیش خصوصیده آسایشته‌لیک ایجاد بولیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
بلخ بیلیم یورتی اوزبیک تیلی و ادبیات دیپارتمنتی استادلریدن بیری خلیل احمد‌اوغلی، بو کبی برنامه‌لر نینگ یولگه قوییلیشیدن خورسند‌لیک بیلدیریب سلام‌وطندار گه ایتیشیچه، اوزبیکی تیلی نینگ رواجلنیشی و قوللب-قوتلنیشی اوچون جدی اعتبار قره‌تیش کیرهک.
ایتیش کیرهک که، بیرینچی مرته ۱۳۹۸-ییل‌ده مملکت سابق جمهور باشلیغی محمد‌اشرف غنی تامانیدن ۲۹-میزان اوزبیک تیلی ملی کونی صفتیده تعیین‌لندی.
