ینگی‌لیکده قیزیل خاج خلق‌ارا کمیته بیر گزارش ترقه‌تیب ایتیشیچه، کابل ده باله‌لر آرهسیده مغزی فلج کسل‌لیگی نینگ آماری ۵۰ فایز کوپه‌یگن دیر.
مذکور گزارش اساسیده، میلادی ۲۰۲۱-ییل‌ده کابل ده خلق‌ارا قیزیل خاج کمیته آرقه‌لی باله‌لر نینگ مغزی فلج کسل‌لیگی خصوصیده بیر مینگ و ۱۲۵ مورد روی‌خط گه آلینگن که، بو رقم ۲۰۲۲-ییل‌ده بیر مینگ و ۶۷۳ گه ییتیشگن.
بیزلرنینگ فیسبوک صحیفه‌میزگه باش اورینگ!
خلق‌ارا قیزیل خاج کمیته نینگ ریبیلیتتاسیه قیلیش بوییچه باش مدیری نجم‌الدین هلال نینگ سلام‌وطندار گه ایتیشیچه: «کونده ۲۰۰دن ۳۰۰گچه کسل مراجعت قیله‌دی که اولردن کوپینچه‌سی بو کسل‌لیککه چلینگن. ۲۰ الی ۳۰ کسل نی درمان اوچون آله‌میز. بیر قنچه وقت ایسه اوشبو کسل‌لیک کوپ جدی و بعضی وقت‌لر هم علایم‌لری آز دیر.»
شونده‌ی بیرحالده، مغزی فلج کسل‌لیککه چیلنگن باله‌لردن بیری نینگ آنه‌سی مریمی نینگ ایتیشیچه، او ۱۴ ییل آلدین توغیلگنیده اوشبو کسل‌لیککه چیلنگن ایکن. مذکور ییگیت ۱۴ ییل‌دن بیری آنه‌سی نینگ یاردمی بیلن حیات کیچیره‌دی و اوزی‌دن مراقبت قیله آلمه‌یدی.
We are observing a 50% increase in children being treated for cerebral palsy (CP) at our physical rehabilitation centre in #Kabul.
This year, the number of CP patients reached to 1,673, compared to 1,125 in 2021.
Read more 🔽https://t.co/yPimHf3uf2
— ICRC Afghanistan (@ICRC_af) January 11, 2023
مریم نینگ ایتیشیچه: «اولتیریب توره آلمه‌یدی؛ مکمل جای‌ده دیر. توغری بیر شکلده بیرته گه قره آلمه‌یدی. آنه، آته، سینگیل و ایناغه‌لری نی تانیمه‌یدی، بیراق یختی‌لیک و قرانغو‌لیک نی حس قیله‌دی. باشقه مکمل فلج دیر. نانی نی بیره‌میز و حاجت‌خانه گه باره آلمه‌یدی. اوزی‌میز حمام بیره‌میز.»
داکترلر باله گه آکسیجن نی درست بیر شکده ییتیشمه‌یشی و باشقه بیر قطار کسللیکلر نی باله‌لرده مغزی فلج کسل‌لیککه چلینیشی گه سبب بوله‌دی دیگنلر.
بیزلرنینگ توییترده هم تعقیب قیلینگ!
باله‌لر بولیمی متخصصی نصیر‌احمد کریمی نینگ سلام‌وطندار گه ایتیشیچه: «توغیلیش جریانیده باله گه درست بیر شکلده آکسیجن ییتیشمه‌گنی و شونینگدیک باله آنه نینگ رحمی‌ده باسیم آستیده قرار تاپگنی صورت‌ده، مذکور باله کیله‌جک‌ده مغزی فلج‌لیککه چلینه‌دی.»
نادارلیک، ساغلیق بویروغ‌لری خصوصیده معلومات‌سیزلیک و حامله عیال‌لر نینگ معاینه بولمه‌یشی و باله نینگ توغیلیش جریانیده ساغلیق دستور‌لر نینگ نظر گه آلینمه‌یشی، باله‌لر نینگ مغزی فلج‌لیککه چیلینیشی گه سبب بوله‌دیگن اینگ اونملی عامل‌لر حساب‌لنگن.
