پایتخت یشاوچیلریدن قطاری برق پرچوی‌سیدن شکایت قیلیب و ایتیشلریچه، نیچه کوندن بویان بیر کیچه-کوندوزده ۱۰ ساعتدن کوپراق برقلری یوق دیر.
کابل نینگ شهرنوی‌ده تیکووچیلیک ایشخانه‌لردن بیری نینگ ایگه‌سی امین، برق پرچوی‌سیدن شکایت قیلیب ایتیشیچه، برق‌دن فایده‌لنه آلمسلیگی باعث، هر کونی آلتی ساعت ایشلری آرتگه قاله‌دی.
اونینگ کوپه‌یتیریشیچه، اوشبو وضعیت کونده ۲۰ جوره‌دن آرتیق کییم نینگ تیکه آلمه‌یشی گه سبب بولگن. امین گه کوره: «اوشبو ایکی کونده ۶ ساعت برقی‌میز کیته‌دی و یالغیز هییت کونلری‌ده ایش قیله آله‌‌میز، هییت کونلری‌ده ایشی‌میز کوپه‌یه‌دی و بو رقم قرضلریمیز نی توللــــــــه‌یشیمیز ممکن. بو رقم دوام قیلگنی صورت‌ده، بو هییت‌ده هم ایشی‌میز نی یخشی‌راق انجام بیره آلمه‌یمیز.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری احمد فهیم نینگ ایتیشیچه، بیر کیچه و کوندوزده، ۱۰ ساعتدن آرتیق برق‌دن فایده‌لنه آلمه‌یدی که، بو وضعیت باله‌لری نی سقلش اوچون اوی نی ساووق قیله آلمه‌یشی گه سبب بولگن.
اونینگ کوپه‌یتیریشیچه: «بلاک‌ده حیات کیچیره‌میز. اوی‌ده ۸ یا-ده ۱۰ ساعت برقی‌میز یوق. برق پرچوی‌سی سبب، سوو گه هم قول تاپه آلمه‌یمیز.»
شونده‌ی بیرحالده، برشنا یا-ده افغانستان برق ییتکیزیش شرکتی مسئوللری نینگ ایتیشلریچه، برق خصوصیده کابل یشاوچیلری نینگ ایسته‌گی کوپه‌یگنی سبب، برق پرچوی‌سی هم کوپه‌یگن دیر.
بیزلرنینگ فیسبوک صحیفه‌میزگه باش اورینگ!
افغانستان برق ییتکیزیش شرکتی سوزلاوچیسی حکمت‌الله میوندی نینگ ایتیشیچه، حاضر ایسه اوشبو شرکت، پایتخت یشاوچیلری نینگ ۷۰-۷۵ فایز برق خصوصیده‌گی نیازلری نی تامین قیله آله‌دی.
جناب میوندی نینگ کوپه‌یتیریشیچه: «نظر گه آلینگن برق گه قره‌گنده، ایسته‌کلر کوپ دیر و انه شوو سبب برق بیریله‌دیگن ساحه‌لرده لین‌لر نینگ بوزیلمه‌سلیگی و ترانسفارمرلر نینگ خراب بولمه‌سلیگی سبب، برق پرچوی‌سی نی وضع قیله‌میز.»
افغانستان برق ییتکیزیش شرکتی آماری اساسیده، حاضر ایسه پایتخت یشاوچیلری گه برق ییتیشتیریش اوچون، ۴۲۲ مگاوات برق نیاز دیر؛ بیراق اوشبو شرکت بیر کیچه و کوندوزده ۳۲۴ مگاوات برق تامین قیله آله‌دی.
