اعتراضچی فعال عیاللردن بیری پروانه ابراهیم‌خیل قویباریلیشی‌دن کیین، قریب اوچ هفته آلدین ایش و اوی‌لریدن حبس گه آلینگن اوچ فعال عیال قویباریلیشی حقیده گزارش‌لر ترقه‌لدی، بیراق اوشبو گزارش‌لر رسمی شکلده تصدیقلنمه‌گن.
کابل ده‌گی اعتراضچی عیاللردن قطاری، اسلامی امارت قولگه آلینگن اعتراضچی عیال پروانه ابراهیم‌خیل نی آزاد قیلگنینی تصدیقله‌یدیلر. پروانه ابراهیم‌خیل عایله اعضالری او نینگ قویباریلیشینی تأیید قیلگن‌لر.
معترض عیاللر نینگ قولگه آلینگنی خصوصیده عکس‌العمللر نینگ کوپه‌یگنی و اولرنینگ قوییب یوباریلیشی توغریسیده تاکیدلردن کیین، بومرته انسانی حقوق کوزه‌تووچیسی، خلق‌ارا کیچیریم تشکیلاتی و باشقه انسانی حقوق و عیال حقوقی نهادلری، بیر اعللمیه ترقه‌تیب معترض عیاللر نینگ تیزلیککه قوییب یوباریلیشی نی سوره‌گن.
آلمان نینگ افغانستان اوچون ایلچیسی پوتزل مارکوس، اسلامی امارت کوچلری تامانیدن اعتراضچی عیاللر قولگه آلینیشی گه مناسبت بیلدیریب، «تنقیدچیلر گه دشمن صفتیده قره‌مسلیک» کیره‌ک دیگن.
آمریکا قوشمه ایالت‌لری نینگ افغانستان خاتین قیزلری اوچون مخصوص نماینده‌سی رینا امیری، اسلامی امارت تامانیدن اعتراضچی عیاللر قولگه آلینیشینی ناحق دیب و اوشبو جریان توخته‌تیلیشینی سوره‌گن.
یوناما، کابلده اسلامی امارت کوچلری تامانیدن ایکی معترض عیال نینگ قولگه آلینگن ادعاسی حقیده، افغانستان ایچکی ایشلر وزیرلیگی‌دن تیزلیککه معلومات ارایه قیلیشلری نی سوره‌گن.
«افغانستان عیاللر کونلری» ییغینی؛ ایکی کون‌لیک ییغین سه‌شنبه کونی اروپا بیرلشمه پارلمانی آرقلی بلجیم پایتختی بروکسیل شهریده باشلنگن. اروپا بیرلشمه‌سی نینگ بیر اعلامیه‌ده ایتیشیچه، بو ییغین تورلی موضوع‌لر گه اینقسه افغانستانده حاکم بولگن انسانی فاجعه، «اسلامی امارت نینگ سرکوب قیلیش» و افغان عیاللر توغریسیده‌گی قیین‌چیلیکلر خصوصیده یولگه قویلگن.
اروپا اتفاقی پارلمانی باشلیغی روبرتا متزولا، خاتین قیزلر برابری‌ده اسلامی امارت تامانیدن جنسیتی سیستماتیک تبعیض‌نی محکوم قیلیب و دنیا جماعه چیلیگی‌دن عیاللر حقوق‌لرینی اسلامی امارت بیلن همکارلیک قیلیش اوچون اساسی شرط قرار بیریشینی سوره‌گن.
اروپا پارلمانی بیر اعلامیه ترقه‌تیب ایتیشیچه، بو ییغین اویرته گه هم دوام تاپیشی ممکن و افغانستان بیر قطار عیاللری بیرلشگن ملت‌لر تشکیلاتی وخلق‌ارا تشکیلات‌لر نماینده‌لری قتنشه‌دی.
افغانستان خاتین‌قیزلر نماینده‌لیگیدن اسلو ییغینیده شرکت قیلگن عیال حقوقی فعال‌لری‌دن قطاری، مملکت‌ده دموکراسی نینگ قیته کیلیشی و همه تامانلمه سیاسی پروسه‌سی نینگ ایجاد بولیشی نی سوره‌گنلر.
کابلده اعتراضچی عیاللری نینگ ایتیش‌لریچه، اسلو ییغینیده اولر نینگ اساسی ایسته‌کلری بیان ایتیلمه‌گن. اولر گه کوره اوشبو ییغین‌ده اعتراضچی عیاللر نماینده‌سی ایش، تحصیل و سیاسی ییغین‌‌لرده اشتراک قیلیش حقی بیریلیشی اوستیده تاکید قیلمه‌گن.
خلق‌ارا کیچیریم تشکیلاتی نینگ اعلام قیلیشیچه، افغانستانده نیچه آیدن بویان قیزلرگه مکتب باریش اوچون رخصت بیریلمه‌گن و تعلیمات اساسی حقیدن محروم قالگن‌لر.
بو تشکیلات توییتر صحیفه‌سیده یازیشیچه، ۱۲۹کوندن بویان اسلامی امارت ۱۲ یاشدن یوقاری بولگن قیزلرنی مکتب باریش دن منع قیلگن.
افغانستان تینچ‌لیگی بوییچه آمریکا تشقی ایشلر وزیرلیگی خاص نماینده‌سی توماس وست نینگ ایتیشیچه، اسلامی امارت مارچ آییده قیزلر نینگ مکتبلری آچیلیشی اوچون رخصت بیرگن صورتده، آمریکا و دنیا جماعه‌سی افغانستان بوتون اوقیتووچیلری نینگ معاش‌لری نی تولش گه حاضر دیر.
بیرلشگن ملت‌لر تشکیلاتی نینگ انسان حقلری ایش بیلرمان‌لریدن بیر گروهی نینگ ایتیش‌لریچه، اسلامی امارت رهبرلری، عیاللرگه قرشی جنسیتی تبعیض وخشونت نی نهادینه قیله‌دی. اولر عیاللرنینگ اجتماعی و سیاسی فعالیت‌لری خصوصیده یره‌تیلگن قیین چیکلاولرنی «بوتون خاتین قیزلرنی مجازات قیلیش» دیگن.
عیاللر حکومت گه سهم آلیش نی ایسته‌یدی.
افغانستان عیاللری نینگ بیرلشتیریش اجماع‌سی بوگون کابلده بیر ییغین یولگه قویش بیلن، ینه بیرمرته اولرنینگ حکومت گه سهم بیریش‌لری نی سوره‌گنلر. افغانستان عیاللری نینگ بیرلشتیریش نهاد اعضاسی مژگان یوسفزی نینگ ایتیشیچه، سابق نظام‌ده اولرگه حقلری نمایشی بیر شکلده بیریلگن و اسلامی امارت بو توغریده جدی توجه قیلیشی کیره‌ک.
پکتیا ولایت مرکزی گردیز شهری و تومن‌لریده بعضی منطقه‌لر بار که مکتب کم‌لیگی و اوزاق‌لیگی باعث، قیزلر تعلیم و مکتب باریش‌دن محروم بولگنلر. بیراق «care» یا-ده «پاملرنه» موسسه همکارلیگی بیلن گردیز شهری نینگ اوزاق منطقه‌لریده مکتبدن محروم قالگن قیزلر گه درسی صنف‌لر ایجاد بولگن.
