خلقارا قیزیل خاچ کمیتهسی افغانستانده ساغلیک سکتورلر وضعیتی نینگ قندهیلیگی توغریسیده خواطر بیلدیریب ایتیشیچه، مذکور تیزیم نینگ نابود بولمهیشی اوچون انسان دوستلیک سعی و حرکتلر ییترلی ایمس.
آلمان نینگ افغانستان اوچون ایلچیسی پوتزل مارکوس، اسلامی امارت کوچلری تامانیدن اعتراضچی عیاللر قولگه آلینیشی گه مناسبت بیلدیریب، «تنقیدچیلر گه دشمن صفتیده قرهمسلیک» کیرهک دیگن.
چیگره تانیمس گزارشگرلر تشکیلاتی، ینگی گزارشیده افغانستان خبرچیلری برابریده تهدیدلر دوام ایتیشیدن خواطر بیلدیریب ایتیشیچه، سونگی ایکی آیده، خبرچیلر نینگ «اوز باشیمچهلیک» قولگه آلینیشی کوپهیگن.
پایتخت کابل یشاوچیلریدن قطاری دنیا جماعهچیلیگی نینگ یاردملری ترقهتیلیش جریانیدن تنقیدلب ایتیشلریچه، اوشبو یاردملر محتاج عایلهلر گه بیریلمهیدی. اولرگه کوره، اسلامی امارت و گذر وکیللری نمایندهلری تامانیدن دنیا جماعهچیلیگی نینگ یاردم لری عادلانه ترقه تیلمهیدی.
آمریکا قوشمه ایالتلری نینگ افغانستان خاتین قیزلری اوچون مخصوص نمایندهسی رینا امیری، اسلامی امارت تامانیدن اعتراضچی عیاللر قولگه آلینیشینی ناحق دیب و اوشبو جریان توختهتیلیشینی سورهگن.
میدانوردک ولایت مرکزی میدان شهرده «تجلا» خصوصی رادیو تلویزیون مسئوللری نینگ ایتیشلریچه، اقتصادی قیینچیلیک باعث، مذکور رسانه نینگ فعالیتی نی نابیللی بیر پیتگچه توختتگنلر.
یوناما، کابلده اسلامی امارت کوچلری تامانیدن ایکی معترض عیال نینگ قولگه آلینگن ادعاسی حقیده، افغانستان ایچکی ایشلر وزیرلیگیدن تیزلیککه معلومات ارایه قیلیشلری نی سورهگن.
خوست ساغلیک مسئوللری نینگ ایتیشلریچه، اوشبو ولایت اطرافیده «مارسیدیس» تیپلی بیر موتر نینگ چپه بولگنی عاقبتیده، ۸ کیشی هلاک و باشقه ۶ کیشی ایسه یرهلنگن. مذکور حادثه بوگون گردیز-خوست قتناو یولی «الماری» ساحهسیده یوزبیرگن.
ملی احصائیه و معلومات ادارهسی مسئوللری نینگ ایتیشلریچه، سونگی۵ آیده مملکت نینگ ۲۰ ولایتیده ۷۵۹ مینگدن آرتیق برقی کیملیک ترقهتیلگن، کونیده تخمیناً ۱۷ مینگ کیملیک طلبگارلرگه بیریلهدی.
نیویورک تایمز نینگ گزارشی اساسیده، چیت ایل کوچلری افغانستاننی ترک ایتیشلری و اوشبو مملکت ده اسلامی امارت حاکم بولیشیدن کیین، میلیونلرچه اهالی اقتصادی بحراث باعث مهاجر بولگنلر. گزارش گه اساس، اوشبو مملکت درآمدی یوقالیب، آچیلیک خوفی آشیب و مالی یاردملر توختهتیلگن.
بغلان دهگی محلی منبعلر نینگ ایتیشلریچه، اوشبو ولایت نینگ نهرین تومنیده تاشکومیر کانی قوللشی عاقبتیده کمیده ۱۰ کان ایشلاوچی جان بیرگنلر.
بامیانده محلی منبعلر نینگ ایتیشلریچه، بامیان ولایتی کهمرد تومنی نینگ «دوآب میخزرین»، «کلیج» و «آشپشته» قیشلاغلریده تاش کومیر کانی نینگ قازیب چیقاریش ایشی اون ییل توختهگنیدن کیین، اوتگن کون قیته باشلندی.
آمریکا قوشمه ایالتلری مالیه وزیرلیگی نینگ اعلان قیلیشیچه، خلقارا بانکلرافغانستان گه انسان سیورلیک یاردملر اوچون پول انتقال بیرهآلهدیلر.
رویترز آژانسی نینگ گزارش بیریشیچه، آمریکا مالیه وزیرلیگی خیریه موسسهلرگه افغانستان گه پول انتقال بیریشلریگه رخصت بیرگن
«افغانستان عیاللر کونلری» ییغینی؛ ایکی کونلیک ییغین سهشنبه کونی اروپا بیرلشمه پارلمانی آرقلی بلجیم پایتختی بروکسیل شهریده باشلنگن. اروپا بیرلشمهسی نینگ بیر اعلامیهده ایتیشیچه، بو ییغین تورلی موضوعلر گه اینقسه افغانستانده حاکم بولگن انسانی فاجعه، «اسلامی امارت نینگ سرکوب قیلیش» و افغان عیاللر توغریسیدهگی قیینچیلیکلر خصوصیده یولگه قویلگن.
نیچه آی توختهلیشدن کیین یوکسک اوقوو وزیرلیگی نیچه کون آلدین دولتی بیلیم یورتلرمملکت برچه ولایتلریده تیزلیک بیلن طلبهلر یوزیگه قیته آچیلیشیدن خبربیرگن ایدی.
آریانانیوز خصوصی تلویزیونی نینگ مسئوللری، اسلامی امارت اوشبو تلویزیون نینگ سیاسی برنامهلر مجریسی وارث حسرت و اقتصادی گزارشگری اسلم حجابنی قویبارگنینی تصدیقلهگن. اولرنینگ ایتیشلریچه، مذکور ایکی ژورنالیست بوگون اسلامی امارت استخباراتی تامانیدن آزاد ایتیلگنلر.
