قویاش ۱۴۰۰- تعلیمی ییل باشلنگنیدن ایکی آی اوتماقده، بامیانلیک اوقووچیلر هر کون شور و شوق بیلن مکتب تامان کیتهدی و بیلیم اورگهنیش اوچون اوزون و قیین یوللرنی طی قیلیشهدی.
اوقووچیلرنینگ آنهلری و آتهلری فرزندلری مکتب کیتیشی اوچون، قیینچیلیکلرنی تحمل قیلیش بیلن قیشلاقلرده چاروا باقیشهدی.
بوگون چهارشنبه افغانستان ده بالهلر ایشی نینگ محو قیلیش پروژه باشلهنیش برنامهسیده، ایش و اجتماعی ایشلر وزیرلیگی نینگ ایش معینی اجمل شاهپور نینگ ایتیشیچه، عایلهلرنینگ خبرسیزلیگی و بالهلر برابریده قویی باقیش، اولرنینگ ضرر کوریشی گه سبب بولگن. اونگه کوره، افغانستان ده بالهلر وضعیتی خواطرلی دیر.
قندهار نینگ ارغنداب، پنجوایی، ژیری و میوند تومنلری، ۵ آیدن بویان جدی آتیشمهلرگه شاهد دیر و ارغنداب تومنی ایسه، منطقهلریدن کوپینچهسی ماین دن تولیق بولگن بیر تومن دیر.
قندهار معارف ریاستی نینگ رسانه مسئولی نظرمحمد صمیمی نینگ سلاموطندارگه ایتیشیچه، اوروش باعث بو تومنده یوزلرچه عایله بدرغه بولگن.
بوگون ایرتهلب پکتیا ولایتی کسلخانه داکترلری، اعتراض قیلیب و نیچه ساعت ایشدن قول تارتیشگن. شونینگدیک خوست ولایت داکترلری، دارولش صفتی قویی بولگنی گه قرشی اعتراض بیلدیریش بیلن، مذکور ولایت ساغلیک ریاست ایشیگی نی باغلهگن.
جوزجان یشاوچیلریدن قطاری نینگ ایتیشلریچه، یول قوریش، بنا قوریش و شهروندلیک شرطنامه شرکتلری طالبان گه باج بیرهدی. جوزجان یشاوچیلریگه کوره، طالبان اوزاق ییرلرده و بو ولایت تومنلریده عمل گه آشیریلهدیگن هر بیر پروژه و برنامه نینگ ۱۰ فایز بودجهسینی آلهدی.
هرات حوزهیی کسلخانهسی باش طبیبی عارف جلالی نینگ سلاموطندارگه ایتیشیچه، یرهلنگنلردن ۹۵% نی یاشلر تشکیل بیرهدی و اولر موترسایکلنی تیز هیدهگنی سبب، حادثه قیلیب و یرهلنگنلر.
جناب جلالیگه کوره، هییت کونلریده ترافیکی حادثهلر نتیجهسیده بیر کیشی هلاک و باشقه ۲۱۴ کیشی یرهلنگن.
هرات ولایتی نینگ ادرسکن تومنیدن محلی بیر منبع نینگ کیملیگی سیرقالیشنی ایستهب سلاموطندارگه ایتیشیچه، اوتگن “شنبه” کونی توشدن سونگ، ۲۵ یاشیده بولگن بیرعیال اوشبو تومنده ملی اردو کندکی نینگ ۵۰۰ مترلیگیده طالبان نینگ صحرایی محکمهسیده اوققه توتیلگن.
کابل شهری نینگ ۱۳- ناحیهسیدهگی سیدالشهدا مکتبی برابریده یوزبیرگن ترورچیلیک هجوم دن کیین، اوقیتوچیلردن قطاری اوقووچیلردن حمایت قیلیش و کابل غربیدهگی مکتبلرنینگ کمچیلیکلرنی حل قیلیش اوچون، بیر کمپاین یولگه قوییش بیلن مذکور مکتبلرگه دواطلبانه شکلده تعلیمات بیریش نی سورهشگنلر.
اوتگن ییل اجتماعی ترماقلر آرقهلی «اوزبیکی کتابلرینی معارف وزیرلیگی انباریدن چیقارینگ» نامیده بیر کمپاین یولگه قوییلگن ایدی و معارف وزیرلیگی اوزبیکی کتابلر چاپ و توزیع ایتیلیشیدن ایشانچ بیرگن ایدی، لیکن حاضرگهقدر عملگه آشیریلمهگن.
طالبان تامانیدن اوچ کون هییت آتیش کیسین اعلام ایتیلگنیدن کیین، جوزجان یشاوچیلری و مدنی فعاللردن اونلرچهسی توپلهنیب و طالبان نینگ بو اقدام دن قدردانلیک قیلیش بیلن دایمی آتیش کیسین تأمین ایتیلیشی نی سورهشگن. اولرگه کوره، جاری اوروش نینگ هیچ قندهی مفهومی یوق و مملکت نینگ ویرانلیگی گه سبب بولهدی.
ساغلیقنی سقلش وزیرلیگی سوزلاوچیسی نینگ اورین باسری میرویس علیزی نینگ ساغلیک توصیهلر اهالی تامانیدن رعایت قیلینمهگنیدن خواطر بیلدیریب ایتیشیچه، رمضان هییتیده یوریش و ساغلیک توصیهلر اینقسه اجتماعی فاصله، ماسک کییش و قول یوویشنی رعایت قیلمهگن صورتده، کرونا ویروسیگه چلینگنلر و قربان بولگنلرنینگ کوپهیشی ممکن.
طلوع نیوز سابق خبرچیسی و مالیه وزیرلیگی نینگ مطبوعات آمری نعمت روان، بوگون ترورچیلیک بیر حادثهده جان بیرگن. قندهار پولیس قومندانلیگی نینگ مطبوعات مسئولی جمالناصر بارکزی نینگ سلاموطندارگه ایتیشیچه، جناب روان بوگون ناتانیش قوراللی کیشیلر آرقهلی اولدیریلگن.
اوچ کوندن بویان بغلان و سمنگان ولایتلریده سووتاشقینلری باعث ۱۵ کیشی هلاک و ۵ کیشی ایسه یرهلنگن و شونینگدیک مذکور ایکی ولایت یشاوچیلری کوپینچه مالی ضرر کورگن.
ساغلیقنی سقلش وزیرلیگی سوزلاوچیسی نینگ اورین باسری میرویس علیزی نینگ سلاموطندارگه ایتیشیچه، اوتگن هفته گه قرهگنده جاری هفتهده کرونا ویروسیگه چلینگنلرنینگ سانی ۵۰ دن باشلب ۶۰% کوپهیگن.
لوگر یشاوچیلری، مدنی جماعهچیلیک اعضالری و بمب جایلشتریلگن موتر پارتلهش حادثه قربانیلری نینگ عایلهلریدن قطاری، پلعلم شهریده اعتراضی خیمه قوریشگن.
اولر مذکور خیمه نی قربانیلر عایلهلری گه قیغوداشلیک بیلدیریش، دایمی تینچلیک و اوتگن جمعه کونی شام چاغی بو ولایتده یوزبیرگن حادثه تیکشیریلیشی اوچون قورگن.
عدلیه وزیری فضلاحمد معنوی، انسان و مهاجرلر قاچاقیگه قرشی کورهش عالی کمیسیون باشلیغی ده قرار تاپگن. بوگون “سهشنبه” جناب معنوی نینگ بو کمیسیون ییللیک گزارشنی نشر قیلیش جریانیده ایتیشیچه، اوشبو کمیسیونده عضو بولگن امنیتی نهادلر انسان و مهاجرلر قاچاقی ترماغیدن ۳۴ تهسینی تانیب و بوتوغریده ۷۰ کیشینی قولگه آلگن.
