یونیسف افغانستان اوچون ینگی نماینده تعیین قیلدی
بیرلشگن ملتلر تشکیلاتی نینگ بالهلردن حمایت قیلووچی صندوقی یا-ده یونیسف نینگ اعلام قیلیشیچه، افغانستانده اوشبو نهاد نمایندهسی صفتیده محمد آگ آیویا تعیینلنگن.
بیرلشگن ملتلر تشکیلاتی نینگ بالهلردن حمایت قیلووچی صندوقی یا-ده یونیسف نینگ اعلام قیلیشیچه، افغانستانده اوشبو نهاد نمایندهسی صفتیده محمد آگ آیویا تعیینلنگن.
آمریکا قوشمه ایالتلری تشقی ایشلر وزیرلیگی نینگ اعلام قیلیشیچه، آنتونی بلینگن اوتگن کونی (جمعه، ۲۹ دلو) مونیخ خوفسیزلیک ییغینی تیورهگیده قطر تشقی ایشلر وزیری و اوشبو مملکت باش وزیری نینگ اورین باسری محمد بن عبدالرحمان آلثانی بیلن اوچرهشگن.
بیرلشگن ملتلر تشکیلاتی نینگ باش کاتبی آنتونیو گوترش نینگ ایتیشیچه، تروریسم نینگ افغانستاندن تشقری ترقهلیشی، عصیانچی گروهلر قدرت بوشلیگیدن فایدهلینیش ده ماهر ایکن لیکلرینی کورستهدی. گوترش اوشبو بیاناتلرینی اوتگن کونی مونیخ خوفسیزلیک ییغینی آچیلیشی مراسمیده آچیقلهگن.
آمریکا قوشمه ایالتلری نینگ افغانستان خاتین قیزلری و بشر حقوقی ایشلری بوییچه مخصوص نمایندهسی رینا امیری نینگ ایتیشیچه، اسلامی مملکتلر بیرینچیدن اسلامی امارتنی بشر حقوقی گه حرمت قیلیش و افغان خاتین قیزلری گه تحصیل و ایشلش گه رخصت بیریشی خصوصیده جواب گرلیککه تارتیشی کیرهک.
باختر دولتی خبرگزارلیگی نینگ اعلام قیلیشیچه، زابلده ساغلیک تیملر و عملیاتی کوچلر قودیققه توشگن ۶ یاشر باله نینگ قوتقریشی اوچون سعی و حرکتلردن کیین، اونینگ چیقاردیلر؛ بیراق باختر نینگ تصدیق قیلیشیچه، مذکور باله تنفسی سیستمیده قیینچیلیگی باعث، جان بیرگن.
غزنیده اسلامی امارت معلومات و مدنیت مسئوللری نینگ ایتیشلریچه، «سرده» سوو توغانی نینگ عملی ایشی باشلنگن دیر. مسئوللرگه کوره، سوو اریقلرنی تازهلش، سیفون لر و حوضلرنی قته قوریش ایشلری اوشبو بند اطرافیده مینگلرچه اصله نهال نی سوغاریش اوچون دوام ایتماقده.
جوزجان ولایتی آقچه تومنی قوم بویوکلریدن بیری ۲۵۰مینگ دالرلیک بیر مکتب نینگ قوریش ایشینی باشلهدی. جوزجان معارف ریاستی رسمیلری نینگ ایتیشلریچه، اوشبو ایکی قوتلیک مکتب زمانهوی و پخته شکلده قوریلیب و ایکی تایمده ۳۰۰۰دن آرتیق قیز و اوغیل اوقووچی سیغهدی.
مطبوعاتی ییغین اوتگزگن افغانستان صناعت و کانلر اتاقی متصدیلری نینگ ایتیشلریچه، اولر نینگ نیچه صنفی قوللش عرفهسیده قرار تاپگن.
پاکستانلیک میدیالردن بیرقطاری نینگ گزارش بیریشلریچه، اوشبو مملکت طب ساحهسیده عالی سویهده تعلیم کوریش اوچون کابلده خیبر بیلیم یورتی بیر بولیمینی آچیشنی ایستهیدی. گزارشلر اساسیده، بو مسئله خیبر طبیات بیلیم یورتی مسئوللری و اسلامی امارت رسمیلری بیلن پایلهشیلگن.
آمریکا بیرلشمه ایالت جمهوررئیسی جوبایدن نینگ بویروغی گه قرشی عکسالعمللر دوامیده، آزادی و تینچلیک بوییچه عیاللر موسسهسی بوگون خبری بیر ییغین یولگه قوییب، مذکور بویروغ نی ناعادلانه دیب و آمریکا تامانیدن افغانستانده سونگی ۲۰ ییل اوروشلری نینگ غرامتی توللنیشی نی سورهگن.
بلخ دهگی سوداگرلر، صناعتکارلر و کارخانه ایگهلریدن قطاری بوگون (پنجشنبه، ۲۸دلو) مطبوعاتی بیر ییغینده، آمریکا جمهور باشلیغی جوبایدن نینگ افغانستان مرکزی بانکی سرمایهلریدن بیر قسمینی ۱۱سپتامبر قربانیلری نینگ عایلهلری گه تاوان توللش قراریدن تنقید قیلیب و او نینگ بو قراری نی ناقانونی و بشری بیر عمل دیگنلر.
زابل محلی منبعلری نینگ ایتیشلریچه، ایکی کون آلدین مذکور ولایتده قودیققه توشگن آلتی یاشر باله نینگ قوقتریش عملیاتی حاضرگچه دوامی بار.
مذکور باله سهشنبه کونی، ۲۶-دلو زابل ولایتی مرکزی قلات نینگ اوزاق منطقهسیده ۳۰ متر چوقیرلیگی بولگن قودیققه توشگن.
بیرلشگن ملتلرتشکیلاتی نینگ باش کاتیبی آنتونیو گوترش نینگ ایتیشیچه، تروریسم گه قرشی کورهش و افغانستاننی قوللب-قوتلش، بیرلشگن ملتلرتشکیلاتی وقوشمه امنیت پیمانی نینگ بیرینچی ایشیدیر.
چیگرهسیز داکترلر تشکیلاتی، افغانستانده قیزهمیق کسللیگی کوپهیشیدن خواطر بیلدیریب ایتیشلریچه، اوتگن نیچه آیده مذکور کسللیککه چلینگن کیشیلر سانی کوپهیماقده دیر.
مذکور تشکیلات نینگ توییتر صحیفهسیده یازیشیچه، یالغیز هراتده کونیده 45 قیزهمیق واقعهسی رویخط گه آلینهدی.
خلقارا ساغلیقنی سقلش تشکیلاتی نینگ اعلام قیلیشیچه، طبی خذمتلر گه نیچه آی قول تاپه آلمسلیک دن کیین، ضروری دارو-دوا یاردملری بدخشان ولایتی درواز تومنی نینگ اینگ اوزاق حدودی گه، مذکور تشکیلات نینگ ساغلیک تیمی آرقهلی انتقال بیریلگن.
خلقارا نجات کمیتهسی بوگون بیر بیانیه ترقهتیب اعلام قیلیشیچه، افغانستان یشاوچیلریدن ۹۷ فایزی قشاقلیک بیلن روپهرو دیر. مذکور کمیته نینگ ایتیشیچه، افغانستان اسلامی امارت قدرت گه ایریشگنیدن ۶ آی اوتگنیدن کیین، اوشبو مملکت بوییچه انساندوستلیک احتیاجلر کوپهیگن.