اوتگن کون جمهوررئیسلیک سرایی خبرچی ملی کونیدن نشانلش مراسم نی رسانهلر نمایندهلری، سوز ایرکینلیگی قربانیلری نینگ عایلهلری و دولت رسمیلریدن قطاری نینگ حضوری بیلن یولگه قویدی. مذکور مراسم ده جمهوررئیس غنی شامل قطار حکومت رسمیلری نطق سوزلشگن.
دنیا بانکی نینگ اعلام قیلیشیچه، اوشبو ۱۱۳ میلیون دالرلیک مالی یاردم افغانستان یشاوچیلریدن ۱۷ فایزدن یوقاریسی گه کرونا واکسینی تطبیق ایتیلیشی اوچون زمینه یرهتهدی.
بوگون (جمعه ۲۹- حوت) دنیا بانکی تامانیدن نشر قیلینگن خبرنامه ده کیلیشیچه، مذکور بانک رهبرلیک هیأتی مذکور مالی یاردم دن ۶۰ میلیون دالری نی افغانستان اوچون تصویب قیلگن.
کتاب اوقیش سیناوی نی یولگه قویگن کیشیلر بو برنامهدن مقصد، اوقوچیلر و طلبهلر آرهسیده کتاب اوقیش نی رواجلنتیریش دیب ایتیشلریچه، بوندهی برنامهلرنی یولگه قوییش بیلن ییگیتلرنی آیدینلیک تامان چقیریش گه حرکت قیلهدیلر.
نوروز جشنی یولگه قوییلیشی اوچون یالغیز نیچه کون قالگن. نوروز جشنی باشقه هر بیر شهر گه نسبتن مزارشریف شهریده طنطنهلی شکلده یولگه قوییلهدی.
بوکونلرده مزارشریف شهری نینگ سیماسی اوزگرگن و هر بیر کیشی اوزی نینگ آرتده قالگن ایشی نی یکلونلنتیریش اوچون حرکت قیلماقده.
بلخ ده ۹ یاشر عبدالرووف ناملی باله نینگ قوییب یوباریلمهگنی اوچون یولگه قوییلگن ناراضلیک نمایشلرنینگ دوامیده، عیاللردن قطاری مذکور ولایت انسان حقلری ایرکین کمیسیونی دفتری برابریده اعتراض قیلگن.
نمایندهلر کینگشی نینگ بوگونگی عمومی ییغینیده، مذکور کینگش اعضالریدن قطاری معلومات و احصائیه ادارهسی نینگ ینگی قراری گه قرشی عکسالعمل کورسهتیب ایتیشلریچه، ۵۴ قوم برقی کیملیک رویخطی گه کیریتیلیشی غیر مسلکی بیر ایش دیر و بو افغانستان اهالیسی نینگ فایدهسیگه ایمس.
بوگون ۲۷- حوت خبرچیلر ملی کونی دیر. بو کون ییتیب کیلیشی بیلن خبرچیلر و رسانهلردن حمایت قیلووچی نهادلر قویاش ۱۳۹۹- ییل نی خبرچیلر و رسانهلرگه قرشی قیین بیر ییل دییشگن. اولرگه کوره، خبرچیلرنینگ خوفسیزلیگی تأمینلنیشی گه جدی توجه بولمهگن صورتده، خبرچیلردن کوپینچه خبرچیلیکدن قول تارتیش گه زورلنیشی ممکن.
اوتگن کون ایچکی ایشلر وزیرلیگی سوزلاوچیسی طارق آرین، خصوصی رسانهلردن بیری پارتلش ماده نینگ انتقال بیریلیشی گه قولی بارلیگی نی ادعا قیلیب و بو توغریده تیکشیروولرنینگ دوامی بار دیدی.
تخار محلی مسووللری نینگ ایتیشلریچه، اوشبو ولایتده ایکی ییلدن بویان مخابراتی شرکتلرنینگ کیچهلیک فعالیتلری توختهتیلگن. مسووللری نینگ ایتیشلریچه، طالبان گروهی مخابراتی شرکتلر مسووللرینی آگاهلنتیریب و کیچه تاماندن فعالیت قیلمهیشلرینی سورهگن.
بغلان مرکزی پلخمری شهری نینگ نساجی سوو توغانینی بیرقطار بولیمی تخریب بولگنی سبب، برق تولید قیلووچی ایکی توربین بوزیلگن.
بغلان ولایتی بوییچه برشنا شرکتی باشلیغی عبدالاول پناه نینگ ایتیشیچه، اوشبو ایکی توربین نینگ بوزیلگنی سبب، بو ولایتده تولید ایتیلهدیگن برق ۶ میگاوات کمهیگن.
جوزجان بدن تربیهلش مسئوللری نینگ ایتیشلریچه، سونگی پیتلرده بو ولایتده تینچلیک و اوروش یکونلهنیشی نامیده عیاللرنینگ حمایتی بیلن سپورت بیلهشوولری کوپهیگن و هر هفته بیر مرته یولگه قوییلهدی.
مملکت تانیقلی اشولهچیلریدن بیری افسانه نوابی گه تانیقلی پیکر سلطان، آلمان ده دنیا دن کوز یومگن.
بوگون (یکشنبه ۲۴- حوت) معلومات و مدنیت وزیرلیگی سرپرستی محمدطاهر زهیر بیر پیام آرقهلی پیکر سلطان نینگ عالم دن اوتیشی نی کتته بیر ضایعه دیگن.
قندوز ده فعالیت قیلهدیگن خبرچیلردن بیرقطاری نینگ ایتیشلریچه، معلوماتلرگه قول تاپیش قانونی نینگ تصویب و توشیح ایتیلیشیدن نیچه ییل اوتماقده؛ لیکن اوشبو قانون حاضرده هم دولتی ادارهلرده نهادینه بولمهگن. اولرنینگ ایتیشلریچه، قندوز محلی ادارهلری مسووللرینی اوشبو قانون خصوصیده معلومات تاپیب و میدیالر بیلن همکارلیک قیلیشی کیرهک.
افغانستان انسان حقلری ایرکین کمیسیونی ۱۲ یاشدن یوقاری قیز بالهلرنینگ ترانه اوقیشی معارف وزیرلیگی تامانیدن منع ایتیلیشی گه عکسالعمل کورسهتیب ایتیشیچه، بالهلرنینگ حقلری و ایرکینلیگی گه هر قندهی چیکلاو یرهتیش انسانی حقلر اصولی و بالهلردن حمایت قیلووچی قانون گه قرشی دیر.
افغانستان خبرچیلری نینگ مرکزی و بوتون دنیا ده رسانه و سوز ایرکینلیگیدن مدافعه قیلهدیگن ۴۰ تشکیلات، بیرلشگن ملتلر تشکیلاتی نینگ خوفسیزلیک کینگشی گه بیر نامه یوباریش بیلن افغانستان ده خبرچیلرنینگ اولدیریلیشی دن خواطر بیلدیریب و بو توغریده مذکور تشکیلات آرقهلی تیزلیککه اقدام قیلینیشی نی سورهشگن.
جوزجان بیلیم یورت مسئوللری نینگ ایتیشلریچه، مملکت یشیل بولیشی و اوروش یکونلهنیش آرزوسی بیلن بوگون بیر مینگ میوهلی و میوهسیز نهال ایکیش کمپاینی یولگه قویگنلر.
