بدخشان معلومات و مدنیت باشلیغی معزالدین احمدی نینگ ایتیشیچه، پنجشنبه کونی، ۱۸ جوزا، اوشبو ولایت مرکزی فیضآباد ینگی شهری حصهی اول حدودلری ده جایلشگن مسجد نبوی ده یوز بیرگن خودکش هجوم عاقبتیده، بغلان سابق امنیه قوماندانی صفیالله صمیم شامل ۱۳ کیشی هلاک بولیب وباشقه ۳۰ دن آرتیق کیشی یرهلنگنلر. او، واقعه خودکش هجوملیگینی تصدیقلهگن.
بدخشان دهگی محلی منبعلر، اوشبو ولایت مقامی اورین باسری و سرپرستی نثاراحمد احمدی نینگ فاتحهخوانلیک مراسمیده پارتلش یوز بیرگنیدن خبر بیرهدیلر.
داعش گروهی خراسان بولیمی، تلگرامی ده ترقهتگن بیانیهسیده، بدخشان ولایتی حاکمی اورین باسری و سرپرستی نثاراحمد احمدی اولدیریلیش مسئولیتینی تن آلگن. مذکور گروه نینگ یازیشیچه: «اسلامی دولت مبارزلری بمب ییرلشتیریلگن بیر موتر نی فیضآباد شهری ده بدخشان حاکمی اورین باسری موتری یقینیده پارتلهتیشگه اولگوردیلر.»
بدخشان دهگی محلی مسئوللر نینگ ایتیشلریچه، بوگون (سهشنبه، ۱۶ جوزا) ایرتهلب ساعت ۸:۱۶ اطرافی ده، اوشبو ولایت مرکزی فیضآباد ینگی شهری حدودلری محکمه تورت یولیده اویوشتیریلگن پارتلش عاقبتیده، ولایت حاکمی اورین باسری شامل ایکی کیشی هلاک بولگنلر.
بدخشان دهگی محلی منبعلر، بوگون (سهشنبه، ۱۶ جوزا) ایرتهلب ساعت ۸:۱۶ اطرافی ده، اوشبو ولایت مرکزی فیضآباد شهری محکمه تورت یولی ده پارتلش یوز بیرگنیدن خبر بیرگنلر. منبعلر نینگ کوپهیتیریشیچه، «پاسو» رسوملی موتر ده ییرلشتیریلگن پارتلش ماده، ولایت حاکمی اورین باسری نینگ موتری یقینلشی بیلن پارتلهگن.
کاپیسا امنیه قوماندانلیگی مسئوللری، اوشبو ولایت نینگ مرکزی حدودلریده بیر کیشی ناتانیش کیشیلر تامانیدن اولدیریلگنیدن خبر بیرگنلر.
تخار ولایتی ینگیقلعه تومنیده بیر عایله، سلاموطندار گه یوللـهگن عکسلری بیلن ایتیشیچه، مذکور عایله نینگ ۱۵ یاشر بیر فرزندی بیر ییل دن بویان ایران نینگ فارس ولایتیده چوپانلیک قیلیب کیلماقده ایدی، شفقتسیز روشده اولدیریلگن. «رامین» اسملی مذکور ییگیت نینگ عایله اعضالری گه کوره، او یکشنبه کیچه، ۷ جوزا، ایران نینگ فارس ولایتی «مرودشت» منطقهسیده ناتانیش کیشیلر تامانیدن اولدیریلگن.
پروان خوفسیزلیک مسئوللری نینگ ایتیشلریچه، اوشبو ولایتده ۱۷ یاشر بیر ییگیت، اوچ یولداشی تامانیدن پیچاقلنیب اولدیریلگن.
نیمروز محلی منبعلری نینگ ایتیشلریچه، بوگون (شنبه، ۶-جوزا)، ایرتنگ چاغیدن حاضرگچه اسلام امیرلیگی کوچلری و ایران چیگرهچیلری آرهسیده توقنشوو نینگ دوامی بار.
لوگر ساغلیقنی سقلش مسئوللری نینگ ایتیشلریچه، پنجشنبه کونی، ۴ جوزا، اوشبو ولایت مرکزی پلعلم شهری «دیوالگی» منطقهسیده، تخمیناً ۳۰ یاشر باشی کیسیلگن بیر ییگیت نینگ جسدی تاپیلگن.
تخار امنیه قوماندانلیگی سوزلاوچیسی عبدالمبین صافی نینگ سلاموطندار گه ایتیشیچه، بوگون (جمعه، ۵ جوزا) مذکور ولایت نینگ ینگیقلعه تومنی «کفترعلی» قیشلاغیده، ۲۳ یاشر بیر عیال «مرگ موش» ییب اوزینی اولدیرگن.
میدانوردک امنیه قوماندانلیگی مسئوللری، اوشبو ولایت ده هاوان اوقی پارتلشی عاقبتیده ایکی باله اولیب و یرهلنگنیدن خبر بیرهدیلر.
غور امنیتی رسمیلری، اوشبو ولایت ده علیحده ایکی واقعه ده ایکی کیشی هلاک بولگنیدن خبر بیرهدیلر. غور امنیه قوماندانلیگی مطبوعاتی دفتری بیر بیانیه ترقهتیب ایتیشیچه، مذکور ولایت نینگ تیوره تومنیده دکانی بولگن بیر کیشی، چهارشنبه کونی، ۳ جوزا، اویی تامان باریش پیتیده نامعلوم قوراللی کیشیلر تامانیدن آتیب اولدیریلگن.
بدخشان دهگی محلی منبعلر نینگ سلاموطندار گه ایتیشلریچه، بوگون (دوشنبه، ۱ جوزا) توش دن کیین ساعت ۱:۰۰ اطرافی ده اوشبو ولایت مرکزی فیضآباد شهری نینگ بیشینچی ناحیهسیده، «شهابالدین» اسملی یاش بیر ییگیت اوزینی دار گه آسیب اولدیرگن.
بدخشان دهگی محلی منبعلر نینگ ایتیشلریچه، اوشبو ولایت نینگ راغستان تومنیده آلتین کانی چپه بولیشی باعث، ایکی کانچی هلاک بولیب و باشقه بیر کانچی یرهلنگن.
غزنی امنیه قوماندانلیگی رسمیلری، اوشبو ولایت ده اوتگن اوروشلردن پارتلمهی قالگن بمبی (نارنجک) پارتلشی باعث، بیر باله هلاک بولیب و باشقه بیر باله یرهلنگنیدن خبر بیرهدیلر. غزنی امنیه قوماندانلیگی سوزلاوچیسی خالد سرحدی اوشبو خبرنی تصدیقلب سلاموطندار گه ایتیشیچه، حادثه بوگون (یکشنبه، ۳۱ ثور) غزنی ولایتی دهیک تومنی «تاسنگ» قیشلاغیده، بالهلر نارنجک بمبی بیلن اوینش پیتیده یوز بیرگن.
