فاریاب ولایتی خوفسیزلیک رسمی‌لری، اوشبو ولایت مرکزی میمنه شهری ده بیر نرس آتیب اولدیریلگنیدن خبر بیرگنلر.
فاریاب امنیه قوماندان‌لیگی نینگ جنایی جرم‌لر گه قرشی کوره‌ش اداره اورین باسری محمدمعاوض نینگ ایتیشیچه، یک‌شنبه، ۹ میزان، کیچه ساعت ۹:۰۰ اطرافی ده، فاریاب مرکزی میمنیه شهری ده «شفق بیش بسترلیک ارتوپیدی» کسلخانه شفاکاری «محمدزمان»، نصیراحمد اسملی کیشی تامانیدن کسلخانه ایچیده تفنگچه بیلن آتیب اولدیریلگن.
بیزلرنینگ فیسبوک صحیفه‌میزگه باش اورینگ!
محمدمعاوض نینگ کوپه‌یتیریشیچه، قاتل شفق کسلخانه‌سی ایگه‌سی نینگ اوغلی بولیب واقعه دن کیین اوزینی کوکره‌گی دن آتیب آغیر یره‌لنتیرگن و حاضر دارو دوالنماقده دیر.
فاریاب امنیه قوماندان‌لیگی نینگ جنایی جرم‌لر گه قرشی کوره‌ش اداره اورین باسری، اوشبو واقعه نیمه سبب یوز بیرگنی حقیده ایضاح کیریتمسه ده، بیراق نصیراحمد نینگ قرینداش‌لری او نینگ روحی قیینچیلیگی بارلیگینی ایتگنلر.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، مملکت نینگ قطار ولایت‌لری ده، شخصی دشمن‌لیک و باشقه قیینچیلیک‌لر باعث بو کبی واقعه‌لر یوز بیریب و یشاوچیلردن قربان‌لیک آلگن.
