اسرائیل باش وزیری، غزه گه اوشبو مملکت حربی کوچلری نینگ ییر عملیاتی باشله‌نیشی دن خبر بیریب و بو عملیات نی حماس بیلن اوروش ایکینچی باسقیچی عنوان قیلگن.
اسرائیل باش وزیری بنیامین نتانیاهو شنبه کیچه، ۲۸ اکتوبر، مذکور مملکت پایتختی تل‌آویو ده خبری ییغیلیش ده، یشاوچیلر گه خطاب بو اوروش اوزاق مدت گچه چوزیلیشی ممکن دیگن.
بیزلرنینگ فیسبوک صحیفه‌میزگه باش اورینگ!
بنیامین نتانیاهو، حماس تامانیدن گروگه آلینگن‌لرنی آزاد قیلیش اوچون سعی‌وحرکت قیله‌یاتگنیدن ایشانچ بیرگن.
اونگه کوره: «بو اوروش نینگ ایکینچی باسقیچی دیر، مقصدی بیللی، حماس نینگ نظامی و حکومتی کوچی‌نی یوق قیلیش و گروگه آلینگن‌لر نینگ آزاد قیلیش دیر.»
عین‌حالده، خلق‌ارا میدیالر نینگ معلوماتی اساسیده، شنبه کیچه یریمی ۲۸ اکتوبر، کرانه باختری «عسکر» پایگاه‌سی و «نابلس» منطقه‌سیده حماس کوچلری و اسرائیل حربی‌لری آره‌سیده توقنشوو یوز بیرگن.
معلومات‌لر گه بناً، اوشبو توقنشوو ده حماس کوچلری اسرائیل نینگ حربی واسطه‌لرینی بم پارتله‌تیش بیلن نشانگه آلگنلر.
بیزلرنینگ «ایکس» ترماغی ده هم تعقیب قیلینگ!
فلسطین ساغلیق‌نی سقلش وزیرلیگی، غزه گه اسرائیل هوایی کوچلری نینگ هجوم‌لری عاقبتیده حاضرگچه سکیز مینگ دن آرتیق کیشی، اولر نینگ اکثریتینی باله‌لر و عیاللر تشکیل بیره‌دی، قربان بولگنینی معلوم قیلگن.
اسرائیل رسمی‌لری، غزه گه هوایی هجوم‌لر گه علاوه اوشبو مملکت کوچلری مذکور منطقه نینگ ایریم بولیم‌لریده زمینی عملیات‌لرینی باشله‌گنینی تصدیقله‌گنلر.
بوندن آلدین، ایران و عرب دولت‌لری رهبرلری دن بیرقطاری، غزه ده اسرائیل نینگ زمینی عملیاتی باشله‌نیشی، اورته شرق ده اوروش کینگه‌یشی گه سبب بولیشی دن آگاه‌لنتیرگن ایدیلر.
