فلسطین و اسرائیل آرهسیده آلتینچی کون ده توقنشوولر دوام ایتماقده ایکن، غزه گه اسرائیل هوایی کوچلری نینگ هجومی عاقبتیده حاضرگچه بیر مینگ ۱۲۸ کیشی قربان بولگن.
فلسطین ساغلیقنی سقلش وزیرلیگی نینگ معلوماتی اساسیده، غزه ده بیر مینگ ۱۰۰ کیشی و کرانهی باختری ده باشقه ۲۸ کیشی قربان بولگن.
غزه گه اسرائیل کوچلری نینگ هوایی هجومی ده حاضرگچه فلسطینلیک کمیده بیش مینگ ۴۸۹ کیشی یرهلنگن.
بیزلرنینگ فیسبوک صحیفهمیزگه باش اورینگ!
بوندن آلدین، فلسطین و اسرائیل آرهسیدهگی توقنشوولرده، فلسطینلیک بیر مینگ ۵۵ کیشی قربان بولیب و باشقه بیش مینگ ۱۸۴ کیشی یرهلنگنی حقیده معلومات بیریلگندی.
باشقه تاماندن، ییتکیرمهلر گه نینگ معلوماتی گه بناً، «الاقصا طوفانی» عملیاتی باشلهنیشیدن بیری اسرائیللیک بیر مینگ ۲۰۰ کیشی هلاک بولگن و باشقه ایکی مینگ ۸۰۰ کیشی ایسه یرهلنگن.
شونینگدیک، اسرائیل ارمیهسی (ارتشی)، ۱۸۹ حربی اولگنینی تصدیقلهگن.
بیرلشگن ملتلر تشکیلاتی نینگ معلوماتی گه کوره، فلسطین و اسرائیل آرهسیده توقنشوولر باعث غزه ده ۲۶۳ مینگ عایله آواره بولگن.
بیرلشگن ملتلر تشکیلاتی نینگ سوزلاوچیسی دوجاریک نینگ ایتیشیچه: «غزه ده بیر مینگ دن آرتیق یشش اوی بوزیلگن و قریب ۵۶۰ یشش اوی یشب بولمهیدیگن درجه ده زیان کورگن. شونینگدیک، ۱۲ مینگ ۶۳۰ بنا نسبی شکلده زیان کورگن.»
بیزلرنینگ «ایکس» ترماغی ده هم تعقیب قیلینگ!
حماس نینگ موشکی هجوملریدن آلتی کون اوتگچ، حزبالله لبنان هم اسرائیل گه قرشی موشک آتیش گه اقدام قیلگن.
حزبالله لبنان چهارشنبه کونی، ۱۹ میزان/ ۱۱ اکتوبر، اسرائیل نینگ جنوبی تامان نیچه موش آتگن.
حماس و اسرائیل آرهسیدهگی توقنشوو خلقارا مناسبتلر بیلن روپهره بولگن.
غرب مملکتلریدن بیرقطاری حماس نینگ هجوملرینی قارهلب و اسرائیل نینگ غزه گه هجومی دن اوز حمایتلرینی بیلدیرگنلر. عینیحالده، اسلامی اولکهلر دن بیرقطاری غزه گه اسرائیل نینگ هوایی هجوملرینی شفقتسیزلیک دیگنلر.