غزنی ولایتی محلی رسمی‌لری، اوشبو ولایتده ماین پارتلشی عاقبتیده توقیز باله هلاک بولگنیدن خبر بیرگنلر. غزنی معلومات و مدنیت باشلیغی حمیدالله نثار، اوشبو خبرنی تصدیقلب سلام‌وطندار گه ایتیشیچه، ۱۲-حمل، یک‌شنبه کونی، اۉتگن اوروش‌لردن قالگن ماین پارتلشی عاقبتیده تورت قیز و بیش اوغیل شامل توقیز باله هلاک بولگنلر. اونینگ کوپه‌یتیریشیچه، اوشبو واقعه غزنی ولایتی گیروی تومنی «زدران» قیشلاغیده یوز بیرگن.
بامیان ده ۳۴ میلیون‌دن آرتیق افغانی‌لیک تیکووچلیک اۉرگته‌دیگن ایکّی مرکز آچیلگن. بامیان محلی مسئوللری نینگ ایتیشلریچه، ۱۲-حمل، یک‌شنبه کونی اوشبو ولایت مرکزی و یکاولنگ نمبر ۱ تومنیده، ۳۴ میلیون‌دن آرتیق افغانی‌لیک، تیکووچیلیک، خامک‌دوزلیک و مهره‌دوزلیک اۉرگته‌دیگن ایکّی مرکز آچیلگن.
هرات ولایتی محلی مسئوللری، اوشبو ولایتده اۉتگن اوروش‌لردن قالگن ماین پارتلشی عاقبتیده بیر باله هلاک بولیب و باشقه بیش باله یره‌لنگنیدن خبر بیره‌دیلر. هرات ولایتی کشک رباط سنگی تومن اۉرین باسری عبدالرحیم رحمانی نینگ سلام‌وطندار گه ایتیشیچه، ۱۲-حمل، یک‌شنبه کونی عصر پیتی، اۉتگن اوروش‌لردن قالگن ماین پارتلشی عاقبتیده ۱۰ یاشر بیر باله هلاک بولیب و باشقه بیش باله یره‌لنگن.
سرپرست حکومت اقتصاد وزیرلیگی نادولتی موسسه‌لر گه مکتوب یوللب، حکومت اداره‌لری خادم‌لرینی باغلیق اداره‌لر نینگ موافقت‌سیزلیگی بیلن ایشگه آلمسلیک‌لرینی سۉره‌گن. اقتصاد وزیرلیگی گه کوره، خادم‌لر نینگ معلوم مدتی توگه‌شی و شونینگدیک دولت اداره‌لری نینگ غیرحاضر و جرم گه عیبلنیب منفک بولگن خادم‌لری نینگ ایش گه آلینیشی گه یول قویمسلیک اوچون بو قرار گه کېلگنلر.
اسلام امیرلیگی باش وزیری نینگ اداری اۉرین باسری عبدالسلام حنفی، مملکت بویلب خوفسیزلیک تأمین اېتیلیشی و اهالی قیینچیلیک‌لرینی حل قیلیش، اسلام امیرلیگی نینگ بیرینچی ایشلریدن دیب اورغوله‌گن.
ایچکی ایشلر وزیرلیکی نینگ ترافیک پولیسی عمومی ریاست مسئوللری، کابل‌دن سۉنگ حاضر شمالی ولایت‌لر ده هم شهری و اطرافی تکسی‌لر نینگ رنگینی اۉزگرتیریش جریان باشلنگنیدن خبر بیرگنلر. ایچکی ایشلر وزیرلیگی نینگ ترافیک پولیسی عمومی باشلیغی حسیب‌الله مختار، ۹-حمل، پنج‌شنبه کونی بلخ ولایتی گه سفری دایره‌سیده، شهری و اطرافی تکسی‌لر نینگ رنگینی اۉزگرتیریش جریان رسمی شکلده باشلنگنینی معلوم قیلگن.
اسلام امیرلیگی باش وزیری نینگ اقتصادی اۉرین باسری عبدالغنی برادر حضوری ده خواف-هرات تیمیر یول لایحه‌سی تورتینچی بولیمی نینگ ایکّینچی فازینی عملگه آشیریش بېتیمی امضالنگن.
خلق‌ارا مهاجرت تشکیلاتی ۸-حمل، چهارشنبه کونی ایکس اجتماعی ترماغی ده بیر بیانیه ترقه‌تیب یازیشیچه، ۲۰۲۱- ییل دن حاضرگچه اېنیقسه قاچقینلر قیتیشی بیلن، افغانستان فقرالری نینگ درآمد میزانی کمه‌یگن یا که یوق بولگن.
اسلام امیرلیگی باش وزیری نینگ اداری اۉرین باسری عبدالسلام حنفی خلق‌ارا ساغلیق‌نی سقلش تشکیلات باشلیغی تدروس ادهانم گبریس و اوشبو تشکیلات نینگ منطقه‌وی باشلیغی حنان بلخی بیلن ویدیو کنفرانس‌ده افغانستان بویلب باله‌لر فلجی (پولیو) بوتونلی یوق اېتیلگنینی معلوم قیلگن.
اسلام امیرلیگی کان‌لر و پترولیم وزیرلیگی سرپرستی شهاب‌الدین دلاور، تورکیه ۷۷ انشاآتی شرکت باشلیغی بیلن اۉچره‌شدی.
امر بالمعروف و نهی عن‌المنکر وزیرلیگی مسئوللری بوگون (سه‌شنبه، ۷-حمل)، کابل ده یولگه قوییلگن بیر برنامه‌ده ایتیشلریچه، حکومتی اداره‌لر ایشلاوچیلری و مسئوللردن یشاوچیلر نینگ شکایت‌لری حل بولینیشی اوچون، اسلام امیرلیگی رهبری تامانیدن «شکایت‌لر نی تینگلش» ۲۳ ماده‌لی قانونی تصدیق‌لنگن.
ملی موزیوم مسئوللری نینگ ایتیشلریچه، اسلام امیرلیگی حاکمیت تېپه‌سیگه اېریشگچ، لوگر مسک عینک کانی‌دن کشف بولگن بیر مینگ دن آرتیق باستانی اثر، کابل ده ملی موزیم گه انتقال بیریلگن.
سرپرست حکومت صناعت و سوداگرلیک وزیرلیگی، پاکستان سوداگرلیک وزیرلیگی نینگ معینی کابل گه تشریف بویرگنیدن خبر بیرگن. صناعت و سوداگرلیک وزیرلیگی ۶-حمل، دوشنبه کونی، ایکس اجتماعی ترماغی‌ده یازیشیچه، پاکستان سوداگرلیک وزیرلیگی نینگ معینی محمدخرم آقا ییتکچیلیگی‌ده اوشبو مملکت یوقاری مرتبه‌لی هیئتی کابل گه تشریف بویرگن.
فراه ولایتی معارف رسمی‌لری، اوشبو ولایتده ۱۷ مکتب فایده‌لنیشگه تاپشیریلگنینی معلوم قیله‌دیلر. فراه معارف باشلیغی اخترمحمد زعیم نینگ سلام‌وطندار گه ایتیشیچه، دوشنبه کونی، ۶-حمل، مذکور ولایتده ۱۷ مکتب فایده‌لنیشگه تاپشیریلگن. اونگه کوره، اوشبو مکتب‌لر ۱۰ میلیون ۵۷۷ مینگ افغانی خره‌جت کوتاریب قوریلگن. زعیم جنابلری نینگ کوپه‌یتیریشیچه، بو ولایتده بیر قنچه مکتب‌لر بناسی اۉتگن اۉروش‌لر طفیلی بوزیلگن و قیته تعمیرلنیشی کېره‌ک.
سرپرست حکومت سۉزلاوچیسی ذبیح‌الله مجاهد گه کوره، اسلام امیرلیگی پاکستان بیلن مناسبتی یخشی بولیشینی اېسته‌یدی و افغانستان توپراغیدن باشقه مملکت‌لر اېنیقسه پاکستان گه قرشی فایده‌لنیش اوچون هېچ کیم‌گه رخصت بیرمه‌یدی.
ارزگان مرکزی ترینکوت شهری ده بنگی‌وار ماده‌لر گه چلینگن‌لرنی دوالش یالغیز مرکزده، ۲۵ مینگ معتاد دوالنیشنی کوتماقده.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
