تورکیه جمهور باشلیغی رجب طیب اردوغان، امریکا قوشمه ایالتلری جمهور باشلیغی دونالد ترامپ بیلن تلفونی ملاقاتیده، ایران و امریکا اورتهسیدهگی ماجرا دیپلماتیک یول بیلن حل ایتیلیب و بوتوغریده تورکیه واسطهچیلیک قیلیشگه تیارلیگینی بیلدیرگن.
معلوماتلر گه کوره، ۲۶ اسد/۱۷ آگست، دوشنبهدن سهشنبه گه اوتر کیچه بولیب اوتگن بو تلفونی ملاقاتده، تامانلر تورکیه و امریکا اورتهسیدهگی مناسبتلر مستحکملنیشی، غزه اوروشی، ایران مسئلهسی همده تورکیه، سعودی عربستان و پاکستان اورتهسیده امضالنگن مدافعه کیلیشوو بحث گه آلینگن.
اردوغان شونینگدیک، امریکا و ایران اورتهسیدهگی ماجرا دیپلماتیک یوللر بیلن حل ایتیلیشیگه تأکیدلب و انقره بوتوغریده واسطهچیلیک قیلیشگه تیارلیگینی ایتگن.
بوندن ایلگری، امریکا جمهور باشلیغی دونالد ترامپنینگ مخصوص وکیلی جرد کوشنر، امریکا و ایران جدی شکلده مذاکره قیلماقده بیراق تامانلر هنوزگچه نهایی قرار گه کیلمهگنینی ایتگندی.
