امریکا جمهور باشلیغی دونالد ترامپنینگ جمهور باشلیغ دوریده محبوبیتی ۳۳ فایز گچه توشیب کیتگن.
معلوم قیلینیشیچه، رویترز تامانیدن اوتکزیلگن تورت کونلیک سوراونامهده اشتراک ایتگنلرنینگ ۶۴ فایزی ترامپ فعالیتیدن ناراضی ایکنلری و فقط ۳۳ فایزی ایسه اونینگ ایشلریدن راضی ایکنلرینی بیلدیرگن.
رویترزنینگ سوراو نتیجهسی شونی کورستهدی کی، جمهور باشلیغ محبوبیتی ایسه آی باشیدهگی ۳۵ فایزدن ۳۳ فایز گه توشگن.
قید ایتیلیشیچه، ریتینگنینگ پسهیشیگه امریکانینگ ایران بیلن ماجرا گه ارهلشووی و بونینگ آرتیدن یوزه گه کیلگن اقتصادی عاقبتلر سبب بولگن. ماجرا طفیلی نفت بازاری ایزدن چیققن، بنزین نرخلری آشگن و بو امریکالیکلر کیفیتی گه تأثیر کورستگنی ایتیلماقده.
سوراو نتیجهلریگه کوره، امریکالیکلرنینگ ۸۰ فایزی امریکانینگ ایران بیلن باغلیق ماجرادهگی اشتراکی اوزاق دوام ایتهدی دیب حسابلهیدی. فقط ۱۶ فایزی ایسه اوروش بیر نیچه هفته ایچیده یکونلنیشیگه ایشانیشینی بیلدیرگن.
