اوکراین عملدارلری، روسیه حربی کوچلری اوشبو مملکت ایریم حدودلریگه ضربه بیرگن و اونینگ نتیجهسیده ۱۰ کیشی هلاک بولگن و ینه ۱۳ کیشی یرهلنگنینی بیلدیرگنلر.
الجزیره، بوگون (۲۷ اسد/۱۸ آگست، سهشنبه) اوکراین هوا کوچلریگه اساسلنیب ایتیشیچه، روسیه تامانیدن اوچیریلگن ۱۴۷ ته دراندن ۱۱۱ تهسی اوریب توشیریلگن یا کی فعالیتی ایزدن چیقریلگن.
گزارش گه کوره، روسیهنینگ خارکیف گه هجوملریده ۱۰ کیشی اولگن و ینه سکیز کیشی ایسه یرهلنگن. شونینگدیک، ایزیوم شهریگه اویوشتیریلگن هجومده باشقه بیش کیشی یرهلنگن.
اوکراین پایتختی کییف شهریگه اویوشتیریلگن دران هجوملریده یانغین صادر بولگن و اونینگ نتیجهسیده ایریم یشش بنالر، بیر اداری بنا و بیر انبار ضرر کورگن.
بیرلشگن ملتلر تشکیلاتینینگ معلوماتی اساسیده، فقط جولای آيیده اوکراینده ۴۳۷ تینچ اهالی اولگن بو میلادی ۲۰۲۲-ییل میآییدن بیری اینگ یوقاری رقم حسابلنهدی.
روسیه عملدارلری هم، اوکراین هجوملری عاقبتیده جولای آییده ۷۹ تینچ اهالی اولگنینی تصدیقلهگن؛ بو رقم اوتگن آی گه نسبتن کوپهیگنینی کورستهدی.
