اسلام امیرلیگی باش وزیرینینگ اقتصادی اورین باسری ملا عبدالغنی برادر، مملکت مقیاسیده بویوک لایحهلرنی قوللب-قوتلش اوچون کتته قدم تشلنگنینی بیلدیردی.
برادر، بوگون (۲۷ اسد/۱۸ آگست، سهشنبه) سهامی بیر شرکتنی تشکیل ایتیش اوچون کیلیشوونامه امضالش مراسمیده، بو شرکتنینگ تشکیل ایتیلیشی افغانستان اقتصادی رواجلنیشی، خصوصی سکتور سرمایه کیریتیشلرینی کوچهیتیریش همده ییریک آست قوریلمهلر و اقتصادی لایحهلرنی عملگه آشیریش یولیده کتته قدم ایکنینی ایتگن.
اونینگ کوپهیتیریشیچه، خصوصی سکتور مملکت اقتصادی رواجلنیشی، ایشلب چیقریش سانی آشیریلیشی، ایش فرصتلری یرهتیلیشی، صادرات کوپهیشی و بویوک لایحهلرنی قوللب-قوتلشده اساسی رول اوینشی کیرهک.
او قوشیمچه قیلیب، اسلام امیرلیگینینگ مقصدی سوداگرلر مملکت گه ایشانچ بیلن سرمایه کیریتیشی اوچون قولی اقتصادی محیط یرهتیش ایکنینی بیلدیرگن.
